2014 jylǵy 20 mamyr, Astana, Úkimet Úıi
Jeke kásipkerlik sýbektileriniń tizilimin júrgizý jáne paıdalaný qaǵıdalaryn bekitý týraly
«Jeke kásipkerlik týraly» 2006 jylǵy 31 qańtardaǵy Qazaqstan Respýblıkasynyń Zańy 14-babynyń 23-1) tarmaqshasyna sáıkes Qazaqstan Respýblıkasynyń Úkimeti qaýly etedi:
1. Qosa berilip otyrǵan Jeke kásipkerlik sýbektileriniń tizilimin júrgizý jáne paıdalaný qaǵıdalary bekitilsin.
2. Osy qaýly alǵashqy resmı jarııalanǵan kúninen keıin kúntizbelik on kún ótken soń qoldanysqa engiziledi.
Qazaqstan Respýblıkasynyń Premer-Mınıstri K.MÁSIMOV.
Qazaqstan Respýblıkasy Úkimetiniń 2014 jylǵy 20 mamyrdaǵy №511 qaýlysymen bekitilgen
Jeke kásipkerlik sýbektileriniń tizilimin júrgizý jáne paıdalaný qaǵıdalary
1. Jalpy erejeler
1. Osy Jeke kásipkerlik sýbektileriniń tizilimin júrgizý jáne paıdalaný qaǵıdalary (budan ári – Qaǵıdalar) «Jeke kásipkerlik týraly» 2006 jylǵy 31 qańtardaǵy Qazaqstan Respýblıkasynyń Zańy (budan ári – Zań) 14-babynyń 23-1) tarmaqshasyna sáıkes ázirlendi jáne jeke kásipkerlik sýbektileriniń tizilimin júrgizý jáne paıdalaný tártibin aıqyndaıdy.
2. Osy Qaǵıdalarda mynadaı negizgi uǵymdar paıdalanylady:
1) bıznes-sáıkestendirý nómiri (BSN) – bul zańdy tulǵa jáne qyzmetin birlesken kásipkerlik túrinde júzege asyratyn dara kásipker úshin qalyptastyrylatyn biregeı nómir;
2) tizilim – jeke kásipkerlik sýbektileriniń tizilimi – bul jeke kásipkerlik sýbektileriniń sanattary týraly málimetterdi qamtıtyn elektrondyq derekter bazasy;
3) jeke sáıkestendirý nómiri (JSN) – bul jeke tulǵalar, onyń ishinde qyzmetin ózindik kásipkerlik túrinde júzege asyratyn dara kásipker úshin qalyptastyrylatyn biregeı nómir;
4) «Zańdy tulǵalar» memlekettik derekqory» aqparattyq júıesi (ZT MDQ) – bul bıznes-sáıkestendirý nómirleriniń ulttyq tizilimi, qurylǵan jáne qyzmetin toqtatqan zańdy tulǵalar (fılıaldar men ókildikter), qyzmetin birlesken kásipkerlik túrinde júzege asyratyn dara kásipkerler týraly málimetterdi esepke alýǵa jáne saqtaýǵa, berilgen bıznes-sáıkestendirý nómirleri týraly málimetterdi qalyptastyrý jáne saqtaýǵa arnalǵan aqparattyq júıe;
5) elektrondyq sıfrlyq qoltańba (ESQ) – bul elektrondyq sıfrlyq qoltańba quraldarymen jasalǵan jáne elektrondyq qujattyń durystyǵyn, onyń tıesiligin jáne mazmunynyń ózgermeıtindigin rastaıtyn elektrondyq sıfrlyq nyshandar terimi;
6) Qazaqstan Respýblıkasynyń ulttyq kýálandyrýshy ortalyǵy (UKO) – elektrondyq sıfrlyq qoltańbanyń ashyq kiltiniń elektrondyq sıfrlyq qoltańbanyń jabyq kiltine sáıkestigin kýálandyratyn, sondaı-aq jeke jáne zańdy tulǵalarǵa beriletin tirkeý kýáliginiń durystyǵyn rastaıtyn, «elektrondyq úkimetke» qatysýshylarǵa, memlekettik jáne memlekettik emes aqparattyq júıelerge qyzmet kórsetetin kýálandyrýshy ortalyq;
7) «E-lısenzııalaý» memlekettik derekqory» aqparattyq júıesi (EL MDQ AJ) – lısenzııalardyń memlekettik elektrondyq tizilimi, berilgen, qaıta resimdelgen, toqtatyla turǵan, jańartylǵan jáne qoldanylýy toqtatylǵan lısenzııalar, sondaı-aq lısenzııalanatyn qyzmet túrin (kishi túrin) júzege asyratyn lısenzıattyń fılıaldary, ókildikteri (obektiler, tarmaqtar, ýchaskeler) týraly málimetterdi qamtıtyn, lısenzıarlar beretin lısenzııalardyń sáıkestendirý nómirin ortalyqtandyrylǵan túrde qalyptastyratyn aqparattyq júıe;
8) «elektrondyq úkimet» shlıýzi (EÚSh) – «elektrondyq úkimettiń» aqparattyq júıelerin elektrondyq kórsetiletin qyzmetterdi iske asyrý sheńberinde ıntegrasııalaýǵa arnalǵan aqparattyq júıe;
9) memlekettik organdardyń biryńǵaı kólik júıesi (MO BKJ) – Qazaqstan Respýblıkasy aýmaǵynda ornalasqan, vedomstvoaralyq aqparattyq-kommýnıkasııalyq jeliden turatyn, basqarýshylyq jáne uıymdastyrýshylyq maqsattardy iske asyrýǵa jáne olardyń aýmaqtyq bólimsheleri men vedomstvolyq baǵynystaǵy uıymdarymen qosa, jergilikti ózin-ózi basqarý organdarynyń, memlekettik organdardyń ózara is-qımyl jasaýyna arnalǵan, sondaı-aq elektrondyq aqparattyq resýrstardyń jáne «elektrondyq úkimettiń» aqparattyq júıeleriniń ózara is-qımyl jasaýyn qamtamasyz etýge arnalǵan telekommýnıkasııalar jelisi.
3. Jeke kásipkerlik sýbektileriniń sanatyn aıqyndaý Zańnyń 6-babynda kórsetilgen krıterıılerge jáne olardyń shekti mánderine sáıkes, sondaı-aq Qazaqstan Respýblıkasynyń Úkimeti bekitetin Jeke kásipkerlik sýbektileri jumyskerleriniń jyldyq ortasha sanyn jáne jyldyq ortasha tabysyn esepteý qaǵıdalaryna sáıkes júzege asyrylady.
4. Jeke kásipkerlik sýbektileri týraly derekter tizilimde avtomattandyrylǵan rejımde óńdeledi jáne jyl saıyn 15 jeltoqsanǵa deıingi merzimde jańartylyp otyrady.
2. Tizilimdi júrgizý
5. Bastapqyda tizilimdi qalyptastyrýdy kásipkerlik jónindegi ýákiletti organ mynalardyń aqparattyq ózara is-qımyl jasaýy arqyly alynǵan aqparattyń negizinde júzege asyrady:
1) Qazaqstan Respýblıkasy Qarjy mınıstrliginiń Salyq komıteti (budan ári – SK) tirkelgen jeke kásipkerlik sýbektileri týraly mynadaı málimetterdi usynady:
jeke kásipkerlik sýbektisiniń BSN;
jeke kásipkerlik sýbektisiniń JSN;
osy Qaǵıdalardyń 6-tarmaǵyna sáıkes jeke kásipkerlik sýbektisiniń sońǵy úsh jylǵy tabystary týraly derekter;
osy Qaǵıdalardyń 6-tarmaǵyna sáıkes jeke kásipkerlik sýbektileri jumyskerleriniń sońǵy bir jylǵy sany týraly derekteri;
2) aqparattandyrý salasyndaǵy ýákiletti memlekettik organ mynadaı qyzmet túrleri boıynsha lısenzııalar týraly aqparat alý úshin EL MDQ AJ jumys isteýin qamtamasyz etedi:
esirtki quraldarynyń, psıhotroptyq zattardyń jáne prekýrsorlardyń aınalymyna baılanysty qyzmet;
aksızdeletin ónimdi óndirý jáne (nemese) kóterme saýdada ótkizý; astyq qabyldaý pýnktterinde astyq saqtaý jónindegi qyzmet; lotereıalar ótkizý; oıyn bıznesi salasyndaǵy qyzmet;
munaı, munaı ónimderin, gaz óndirý, óńdeý jáne ótkizý, elektr jáne jylý
energııasyn ótkizý jónindegi qyzmet;
radıoaktıvti materıaldardyń aınalymyna baılanysty qyzmet;
bank qyzmeti (ne bank operasııalarynyń jekelegen túrleri) jáne saqtandyrý naryǵyndaǵy qyzmet (saqtandyrý agentiniń qyzmetinen basqa);
aýdıtorlyq qyzmet;
baǵaly qaǵazdar naryǵyndaǵy kásibı qyzmet;
kredıttik bıýrolardyń qyzmeti;
kúzet qyzmeti;
azamattyq jáne qyzmettik qarý men onyń patrondarynyń aınalymyna baılanysty qyzmet;
3) zańdy tulǵalardy memlekettik tirkeý salasyndaǵy ýákiletti organ osy Qaǵıdalardyń 11 jáne 15-tarmaqtarynda aıqyndalǵan tártippen barlyq tirkelgen jáne taratylǵan jeke kásipkerlik sýbektileri týraly, atap aıtqanda:
zańdy tulǵanyń BSN;
zańdy tulǵanyń ataýy;
zańdy tulǵanyń uıymdyq-quqyqtyq nysany týraly málimetterdi beredi.
6. Tizilimdi odan ári júrgizý úshin SK jyl saıyn 15 qarashaǵa deıingi merzimde kásipkerlik jónindegi ýákiletti organǵa mynadaı aqparatty usynady:
1) aldyńǵy kúntizbelik jylǵy jıyntyq jyldyq tabys mólsheri týraly derekter (onyń ishinde arnaýly salyq rejımi boıynsha jumys isteıtin sýbektiler boıynsha);
2) jumyskerlerdiń aldyńǵy kúntizbelik jylǵy sany týraly derekter.
Kórsetilgen aqparat jeke kásipkerlik sýbektileri salyq zańnamasyna sáıkes salyq organdaryna usynǵan salyq eseptiliginiń derekteri negizinde qalyptastyrylady.
7. Tizilimge ózgerister engizý mynadaı jaǵdaılarda júzege asyrylady:
1) osy Qaǵıdalardyń 9-tarmaǵyna sáıkes SK aqparatynda jiberilgen qatelikke baılanysty jeke kásipkerlik sýbektisiniń sanatty ózgertý týraly ótinishin qanaǵattandyrý.
Bul rette aqparattaǵy qatelik SK-niń kásipkerlik jónindegi ýákiletti organǵa salyq tóleýshi ony jibergenge deıin usynǵan salyq eseptiliginiń derekterine sáıkes kelmeıtin aqparatty usynýy bolyp tabylady. Tıisti jyldyń 15 qarashasynan keıin qosymsha salyq deklarasııalaryn usynýǵa baılanysty salyq tóleýshi jónindegi aqparattyń ózgerýi qatelik bolyp tabylmaıdy;
2) salyq tóleýshiler kelisken nemese durystyǵyn sot rastaǵan salyqtyq tekserýler nátıjeleri boıynsha osy Qaǵıdalardyń 6-tarmaǵynda kórsetilgen derekterdi ózgertý týraly SK ótinishi.
8. Jeke kásipkerlik sýbektisiniń sanaty osy Qaǵıdalardyń 4-tarmaǵynda belgilengen merzimde qaıta qaralady jáne osy Qaǵıdalardyń 7-tarmaǵynda kózdelgen jaǵdaılardy qospaǵanda ózgertýge jatpaıdy.
9. Osy Qaǵıdalardyń 7-tarmaǵyna sáıkes ózgerister engizý mynadaı tártippen júzege asyrylady:
1) jeke kásipkerlik sýbektileri kásipkerlik jónindegi ýákiletti organ aldynda ózderiniń sanatyn zańsyz aıqyndaý týraly máselege jazbasha túrde, rastaýshy qujattardyń kóshirmelerin mindetti túrde qosa otyryp, bastamashylyq jasaıdy;
2) kásipkerlik jónindegi ýákiletti organ eki jumys kúni ishinde berilgen ótinishterdi SK qaraýyna jiberedi;
3) SK berilgen ótinishterdi negizdiligi turǵysynan qaraıdy jáne on jumys kúni ishinde kásipkerlik jónindegi ýákiletti organǵa tıisti jaýabyn beredi;
4) kásipkerlik jónindegi ýákiletti organ:
jeke kásipkerlik sýbektisi ótinishiniń negizdiligi týraly jaýapty alǵan jaǵdaıda, úsh jumys kúni ishinde tizilimge tıisti ózgeristerdi engizedi jáne sanatty qaıta esepteýdi júrgizedi;
jeke kásipkerlik sýbektileri ótinishiniń negizsizdigi týraly jaýapty alǵan jaǵdaıda, tizilimge tıisti ózgerister engizýden bas tartady;
SK-den qatelikti jeke kásipkerlik sýbektisiniń ózi salyq eseptiligin salyq organdaryna usynǵan kezde jibergendigi týraly jaýap alǵan jaǵdaıda, tizilimge osy Qaǵıdalardyń 4-tarmaǵyna sáıkes ózgerister engizedi.
10. Kásipkerlik jónindegi ýákiletti organ ótinishti qaraý nátıjeleri týraly jeke kásipkerlik sýbektisin jazbasha túrde habardar etedi.
Jeke kásipkerlik sýbektileriniń ótinishterin qaraýdyń jalpy merzimi ótinishtiń kásipkerlik jónindegi ýákiletti organda tirkelgen sátinen bastap 15 jumys kúnin quraıdy.
11. Aqparattyq ózara is-qımyl jasaý aqparattandyrý salasyndaǵy ýákiletti organmen kelisilgen, memlekettik organnyń jaýapty basshylary bekitken tehnıkalyq talaptar negizinde EÚSh arqyly serveraralyq respýblıkalyq deńgeıde júzege asyrylady.
12. Aqparat almasý UKO bergen ESQ paıdalaný arqyly «suraq-jaýap» rejıminde elektrondyq habarlamalar arqyly júzege asyrylady.
13. Elektrondyq habarlamalar óristeriniń túrleri men quramyn aqparat almasýǵa qatysýshylar tehnıkalyq talaptarda bekitedi.
14. Aqparat almasýǵa qatysýshylar aqparattyq júıeler jumysyndaǵy tehnologııalyq úzilisterdi qospaǵanda, ózara is-qımyl jasaý servısterine táýlik boıy qol jetkizýge ruqsat beredi.
15. Aqparat almasý kezinde aqparattyń qorǵalýy qorǵalatyn MO BKJ paıdalaný esebinen, sonymen birge avtorlyqty bekitý esebinen (ESQ qoldaný), qol qoıylǵan XML habarlamalar, sondaı-aq tehnıkalyq jáne uıymdastyrýshylyq sıpattaǵy is-sharalar esebinen de qamtamasyz etiledi.
3. Tizilimdi paıdalaný
16. Tizilim kez kelgen múddeli tulǵalar, onyń ishinde memlekettik organdar úshin jeke kásipkerlik sýbektileriniń sanaty týraly derekterdiń negizgi kózi bolyp tabylady.
17. Múddeli tulǵalar úshin tizilimde árbir jeke kásipkerlik sýbektisi týraly mynadaı aqparat qoljetimdi bolady:
1) zańdy tulǵalar týraly:
BSN;
ataýy;
uıymdyq-quqyqtyq nysany;
sanaty (iri, orta, shaǵyn);
osy Qaǵıdalardyń 5-tarmaǵynyń 2) tarmaqshasyna sáıkes qyzmet túri;
2) dara kásipkerler týraly:
JSN;
dara kásipkerdiń tegi, aty jáne bar bolǵan jaǵdaıda, ákesiniń aty jáne (nemese) ataýy;
birlesken kásipkerlik mártebesiniń bolýy nemese bolmaýy;
sanaty (iri, orta, shaǵyn);
osy Qaǵıdalardyń 5-tarmaǵynyń 2) tarmaqshasyna sáıkes qyzmet túri.
18. Tizilimde jeke kásipkerlik sýbektilerin izdeý:
1) BSN nemese JSN;
2) zańdy tulǵanyń ataýy jáne uıymdyq-quqyqtyq nysany;
3) dara kásipkerdiń tegi, aty jáne bar bolǵan jaǵdaıda, ákesiniń aty jáne (nemese) ataýy boıynsha júzege asyrylady.
19. Jeke kásipkerlik sýbektisiniń sanaty týraly aqparat ESQ-men kýálandyrǵan elektrondyq qujat nysanynda múddeli tulǵalarǵa, onyń ishinde memlekettik organdarǵa jumysta paıdalaný úshin beriledi.