Oıda júrer oqıǵalar

 

...Osydan 180 jyl buryn, ıaǵnı 1843 jyly:

– Zar zaman poezııasynyń kórnekti ókili Murat Móńkeuly dúnıege keldi;

– Aqyn, kompozıtor Aqan seri Qoramsauly dúnıege keldi.

...Osydan 160 jyl buryn, ıaǵnı 1863 jyly:

– 16 shildede Aqmola qalasy aımaqtyq qala bolyp resmı túrde bekitildi;

– 1 qyrkúıekte Qazaly úıezinde tuńǵysh qazaq mektebi ashyldy.

...Osydan 150 jyl buryn, ıaǵnı 1873 jyly:

– 12 tamyzda qazirgi Shyǵys Qazaqstan óńirinde Alash qaıratkeri, aǵartýshy-pedagog Otynshy Áljanuly dúnıege keldi;

– 3 sáýirde Torǵaı ólkesinde halyq batyry Amangeldi Imanov dúnıege keldi.

– 20 sáýirde Batys Qazaqstan oblysyndaǵy burynǵy Ishki Ordada respýblıkadaǵy dárihana júıesiniń negizin qalaýshylardyń biri Májıt Shombalov dúnıege keldi;

...Osydan 140 jyl buryn, ıaǵnı 1883 jyly:

– 24 sáýirde qazirgi Atyraý oblysynyń Qyzylqoǵa aýdanynda Alash qaıratkeri, ǵalym Halel Dosmuhameduly dúnıege keldi;

– Torǵaı qalasynda tuńǵysh qolóner mektebi ashyldy;

–       Semeı oblystyq kitaphanasy men ólketaný murajaıy quryldy.

...Osydan 130 jyl buryn, ıaǵnı 1893 jyly:

– dat ǵalymy VılgelmTomsen kóne túrki jazýyn oqýdyń kiltin tapty;

– 11 naýryzda Alash qaıratkeri, pýblısıst Shamǵalı Haresuly Sarybaev dúnıege keldi;

– Qazaqstanda tuńǵysh temirjol qurylysy bastaldy;

– 25 sáýirde akter, ulttyq kásibı teatr óneriniń negizin salýshylardyń biri, Qazaq KSR jáne KSRO halyq ártisi, KSRO Memlekettik syılyǵynyń laýreaty Qalıbek Qýanyshbaev dúnıege keldi;

– 25 maýsymda qazirgi Soltústik Qazaqstan obly­s­ynyń Býlaev aýdanynda aqyn Maǵjan Ju­mabaıuly dúnıege keldi;

– 28 qazanda qazirgi Kókshetaý oblysynyń Ýálıhanov aýdanynda aqyn Sultanmahmut Toraıǵyruly dúnıege keldi.

...Osydan 120 jyl buryn, ıaǵnı 1903 jyly:

– 15 naýryzda Ile alqabynyń Kúnes óńirinde aqyn, Shyńjań qazaq ádebıetiniń negizin qalaýshy Tańjaryq Joldyuly dúnıe esigin ashty;

– 23 qyrkúıekte Semeı qalasynda muǵalimder semınarııasy ashyldy;

– 27 jeltoqsanda qazirgi Shyǵys Qazaqstan obly­synyń Ulan aýdanynda kórnekti tiltanýshy-ǵalym Sársen Amanjolov dúnıege keldi;

– Túrkistanǵa alǵash temirjol kelip, vokzal salyndy;

– Qostanaı oblysynyń Jarkeshý aýylynda Qazaqstannyń halyq aqyny Nurhan Ahmetbekov dúnıege keldi;

– «Rossııa. Tolyq geografııalyq jazbalar» ensıklopedııasynyń 18-tomy tutastaı qazaq ólkesine arnaldy;

– Moldanııaz Bekımovtiń aýdarmasymen Pýshkınniń «Kapıtan qyzy» romany qazaq tilinde shyqty.

...Osydan 110 jyl buryn, ıaǵnı 1913 jyly:

– 2 aqpanda Orynbor qalasynda Alash kósemderi Á.Bókeıhannyń, A.Baıtursynulynyń, M.Dýlatulynyń uıymdastyrýymen tuńǵysh jalpyulttyq basylym – «Qazaq» gazeti jaryq kórdi;

– 13 naýryzda qazirgi Jetisý oblysy Sarqan aý­danynyń Qarashaǵan aýylynda kompozıtor, Qazaq KSR Memlekettik ánurany avtorlarynyń biri Muqan Tólebaev dúnıege keldi;

– Semeı qalasynda alǵash fýtbol komandalary qurylyp, solardyń biri – «Jarystyń» quramynda bolashaq uly jazýshy Muhtar Áýezov dop tepti;

– 30 sáýirde qazirgi Qaraǵandy oblysynyń Buqarjyraý aýdanynda Qazaqstannyń Halyq sýretshisi Áýbákir Ysmaıylov dúnıege keldi;

– Eýropa, Azııa jáne Afrıka elderin «Nıkolaı Stepnov» degen búrkenshek atpen aralap shyqqan saıahatshy, keıinnen – keńestik memleket jáne qoǵam qaıratkeri Álibı Jangeldın Qazaq dalasyna qaıtyp oraldy;

– Aǵartýshy-pedagog Spandııar Kóbeevtiń «Qalyń mal» romany basylyp shyqty;

– Aqyn Maǵjan Jumabaıulynyń «Sholpan» jyr jınaǵy baspa júzin kórdi;

– Qazirgi Atyraý oblysynyń Maqat óńirinen munaı kózi tabyldy;

– Fort-Aleksandrovskide radıotelegraftyq jeli paıda boldy;

– 5 jeltoqsanda qazirgi Abaı obly­sy­nyń Abaı aýdanynda jazýshy Jeken Jumahanov týdy;

– 15 jeltoqsan kúni Kereký qalasynda Qazaq­stannyń Halyq jazýshysy, aqyn Qalıjan Nur­ǵojauly Bekhojın dúnıege keldi;

– Mesenat-kásipker Esenqul Mamanov qazaq romanyna báıge jarııalady;

– Qazirgi Qazaqstan jerinde 19,6 mıllıon ýaq mal boldy;

– Reseıde Romanovtar áýletiniń taqqa otyr­ǵanyna 300 jyl tolýyna oraı Vernyıda (Almatyda) aýylsharýashylyq kórmesi uıym­dastyrylyp, saltanatqa qazaq dalasynyń belgili aqyn-jyr­shylary shaqyryldy.

...Osydan 100 jyl buryn, ıaǵnı 1923 jyly:

– 1 qańtarda Jetisý oblysynyń Qaratal aýdanynda Qazaqstannyń Halyq ártisi Bıken Rımova dúnıege keldi;

– Ult ustazy Ahmet Baıtursynulynyń 50 jyldyq mereıtoıy atalyp ótti;

– Tashkent qalasynda Sultanbek Qojanovtyń alǵysózimen Maǵjan Jumabaıulynyń óleńder jınaǵy jaryq kórdi;

– 19 aqpanda RKFSR Joǵarǵy sotynyń qazaq bólimi quryldy;

– 10 naýryz kúni Taraz qalasynda kınorejısser, Qazaqstannyń eńbek sińirgen óner qaıratkeri, Qazaqstan Memlekettik syılyǵynyń laýreaty («Qyz Jibek» fılmi úshin) Sultanahmet Qońyrqojauly Qojyqov dúnıege keldi;

– Aqtóbe qalasynda Qazaqstandaǵy tuńǵysh jınaq kassasy ashyldy;

– 22 sáýirde Keıki batyrdy qyzyláskerler aıýandyqpen óltirdi;

– 9 mamyrda qazirgi Abaı oblysynyń Aıagóz aýdanynda Qazaqstannyń Halyq ártisi, professor Beken Jylysbaev týdy;

– Tashkent qalasynda «Sana» jýrnaly jaryq kórdi;

– 3 maýsymda Qaraǵandy oblysynyń Nura aýdanynda kınorejısser, qazaq mýltı­plıka­sııalyq fılmderiniń negizin qalaý­shylardyń biri, Qazaq­stan Memlekettik syı­lyǵynyń laýreaty Ámen Ábjanuly Qaıdarov dúnıege keldi;

– 2 qyrkúıekte Shyǵys Qazaqstan oblysynyń Katonqaraǵaı aýdanynda Sosıalıstik Eńbek Eri, qoǵam qaıratkeri Boshaı Kitapbaev dúnıege keldi;

– Máskeýde «Kúnshyǵys» baspasy janynan «Temirqazyq» jýrnaly (shyǵarýshysy N.Tóre­qulov) jaryq kórdi;

– 2 qazanda Jetisý oblysynyń Qaratal aýdanynda jazýshy Kemel Toqaev dúnıege keldi;

– 25 qazanda Aqtóbe oblysynyń Shalqar aýdanynda jazýshy, Qazaqstan Memlekettik syıly­ǵynyń laýreaty Tahaýı Ahtanov dúnıege keldi;

– Qanysh Imantaıuly Sátbaev qazaq tilindegi tuńǵysh «Algebra» oqýlyǵyn jazdy;

– 29 qazanda Pavlodar oblysy Sharbaqty aýdany Maraldy aýylynda aqyn, Qazaqstannyń Halyq jazýshysy Muzafar Álimbaev týdy;

– saıahatshy-ǵalym, oıshyl Nıkolaı Rerıh Ortalyq Azııa ekspedısııasy barysynda qazaq jerimen júrip ótti;

– 22 qarashada Qazaq AKSR OAK-niń «Is qaǵazdaryn qazaq tilinde júrgizýdi engizý týraly» dekretine qol qoıyldy;

– 7 jeltoqsanda Aqtóbe oblysynyń Yrǵyz aýda­nynda jazýshy О́tebaı Qanahın dúnıege keldi.

 

...Osydan 90 jyl buryn, ıaǵnı 1933 jyly:

– 19 qańtarda Qyzylorda oblysynyń Tereńózek aýdanynda balalar aqyny Nurhan Janaev týdy;

– Asharshylyq nátıjesinde Qazaqstandaǵy 40,5 mln bas maldan 4,5 mln ǵana qaldy;

– 16 aqpanda Pavlodar oblysynyń Maı aýdanynda UǴA akademıgi, fılosofııa ǵylym­darynyń doktory, professor Jabaıhan Múbarakuly Ábdildın dúnıege keldi;

– Naýryz plenýmynda Goloshekın Qazól­kekomnyń birinshi hatshylyǵynan alyndy, respýb­lıka basshylyǵyna L.Mırzoıan keldi;

– 9 mamyrda Almaty oblysynyń Jambyl aýdanynda jazýshy, jýrnalıst Seıdahmet Berdiqulov dúnıege keldi;

– 8 qyrkúıekte Qazaqstan ólkelik partııa komıteti sekretarıatynyń sheshimi boıynsha ulttyq opera jáne balet teatryn qurý, sımfo­nııalyq jáne ulttyq orkestr uıymdastyrý, res­pýblıkada teatr júıesin keńeıtý, kásibı mamandaryn daıarlaý kózdeldi;

– 9 qyrkúıekte Almaty qalasynda jazýshy, dramatýrg, Qazaqstan Respýblıkasy Memlekettik syılyǵynyń laýreaty Ákim Tarazı dúnıege keldi;

– 25 qazanda Aqmola oblysynyń Ereımentaý aýdanynda jazýshy Amantaı Sataev dúnıege keldi;

– Qazaq gıdrometeorologııa basqarmasy uıym­das­tyryldy;

– Qazaq kórkem ádebıet baspasy quryldy;

– 16 jeltoqsanda Alash ardaqtysy, memleket jáne qoǵam qaıratkeri Smaǵul Sádýaqasov dúnıeden ozdy.

...Osydan 80 jyl buryn, ıaǵnı 1943 jyly:

– 1 qańtarda Jambyl oblysynyń Merki kentinde mádenıettanýshy-ǵalym, Tótenshe jáne ókiletti elshi Murat Muhtaruly Áýezov týdy;

– Qazaq KSR tuńǵysh Memlekettik ánuranyna baıqaý jarııalandy;

– Aqpan aıynda Aqtóbe ferroqorytpa zaýyty iske qosyldy;

– 24 naýryzda Jambyl oblysynyń Talas aýdanynda aqyn, Sheshenstan Memlekettik syılyǵynyń laýreaty Rafael Nııazbek dúnıege keldi;

– mamyr aıynda Qazaq metallýrgııalyq zaýytynyń qurylysy bastaldy;

– 31 naýryzda ushqysh Nurken Ábdirovke Keńes Odaǵynyń Batyry ataǵy berildi;

– Qazaq topyraqtaný-botanıka, zoologııa jáne tropıktik aýrýlar ınstıtýttary quryldy;

– 15 qyrkúıekte mehanızator, Sosıalıstik Eńbek Eri Kámshat Dónenbaeva dúnıege keldi;

– 28 qyrkúıekte Shyǵys Qazaqstan obly­synyń Katonqaraǵaı aýdanynda jazýshy Oralhan Bókeı dúnıege keldi;

– aqtóbelik Shyǵanaq Bersıev ár gektardan 201 sentner ónim alyp, tary ósirýden dúnıe júzilik rekord jasady;

– E.Bekmahanovtyń qatysýymen «Qazaq KSR tarıhy. Erte zamannan búginge deıin» akademııalyq zertteýi jaryq kórdi;

– 16 qazanda Keńes Odaǵynyń Batyry Mánshúk Mámetova maıdan dalasynda qaharmandyqpen qaza tapty;

– 31 qazanda qarashaı halqy Sibir men Qazaq­stanǵa jer aýdaryla bastady;

– 5 jeltoqsanda Batys Qazaqstan oblysynyń Qaratóbe aýdanynda jazýshy, aýdarmashy Qurman­ǵazy Qaramanuly dúnıege keldi;

– 23 jeltoqsanda Aqmola oblysynyń Astrahan aýdanynda jazýshy, qoǵam qaıratkeri Altynshash Jaǵanova dúnıege keldi.

...Osydan 70 jyl buryn, ıaǵnı 1953 jyly:

– 9 aqpanda Qyzylorda oblysynyń Jańaqorǵan aýdanynda memleket jáne qoǵam qaıratkeri Berdibek Máshbekuly Saparbaev dúnıege keldi;

– 23 aqpanda aqyn, aýdarmashy, Qazaqstannyń eńbek sińirgen qaıratkeri Baqyt Qaıyrbekov týdy;

– E.Dzıgannyń rejısserligimen «Jambyl» fılmi jaryqqa shyqty;

– 3 sáýirde Shyǵys Qazaqstan oblysynyń Aıagóz qalasynda opera ánshisi, QR eńbek sińirgen ártisi, Qazaqstan Memlekettik syılyǵynyń laýreaty Kenjeǵalı Tursynbekuly Myrjyqbaı dúnıege keldi;

– Qurmanǵazy atyndaǵy Qazaqtyń memlekettik akademııalyq halyq aspaptar orkestri Býharest qalasynda ótken jastar men stýdentterdiń Búkil dúnıejúzilik festıvaliniń jeńimpazy atanyp, altyn medal ıemdendi;

– 15 mamyrda Qyzylorda oblysynyń Shıeli aýdanynda jazýshy Serik Baıhonov dúnıege keldi;

– Aısha Bıbi kesenesin Qazaqstan Ulttyq ǵylym akademııasynyń ekspedısııasy zerttedi;

– 17 mamyrda Almaty qalasynda Qazaqstan Respýblıkasynyń Prezıdenti Qasym-Jomart Kemeluly Toqaev dúnıege keldi;

– Ońtústik Sibir magıstraliniń negizgi býynynyń biri bolyp sanalatyn Aqmola (Astana) – Pavlodar (546 km) joly salyndy;

– 12 tamyzda Semeı polıgonynda tuńǵysh ret termoıadrolyq qondyrǵy synaqtan ótti;

– Respýblıkada qulandy jersindirý jumysy bastaldy;

– Qazaqstannyń mektep-ınternattarynda 40 myńdaı bala oqydy.

...Osydan 60 jyl buryn, ıaǵnı 1963 jyly:

– 8-9 qańtarda Qazaqstan Kınematografıster odaǵynyń birinshi quryltaı sıezi boldy;

– Abdolla Qarsaqbaevtyń rejısserligimen «Meniń atym – Qoja» kórkem fılmi jaryqqa shyqty;

– Aqtaý qala mártebesin ıelendi;

– myrysh-qorǵasyndy «Shalqııa» ken orny ashyldy;

– 7 shildede Almaty oblysyndaǵy Esik kólinde tabıǵı apat boldy;

– 19 qyrkúıekte Qazaq KSR Joǵarǵy Keńesiniń «Qazaq KSR-i men О́zbekstan KSR-iniń shekarasyna keıbir ózgerister engizý jónindegi» Jarlyǵy shyqty;

– Máskeýde oqıtyn qazaq jastarynyń «Jas tulpar» uıymy quryldy;

– Almatynyń «Qaırat» komandasy KSRO-nyń XXII Kýboginiń jartylaı fınalyna shyǵyp, qazaqstandyq klýbtardyń atalǵan týrnırdegi eń joǵarǵy kórsetkishine qol jetkizdi;

– Respýblıkanyń Joǵarǵy Keńesine 473 depýtat saılandy;

– Jezqazǵanda ekinshi ken baıytý fabrıkasy iske qosyldy;

– Karl Markstiń «Kapıtal» eńbeginiń 1-tomy qazaq tilinde jaryq kórdi;

– Qapshaǵaı GES-iniń qurylysy qolǵa alyndy;

– 20 qazanda Aqmola oblysynyń Atbasar qalasynda ziltemir kóterýden Olımpıada chempıo­ny Anatolıı Hrapatyı dúnıege keldi;

– 24 qazanda «Baıqońyr» ǵarysh aılaǵy shahtalarynyń birinde órt bolyp, jeti áskerı synaqshynyń ómirin jalmady;

– 18 qarashada qazirgi Shyǵys Qazaqstan obly­synyń Jarma aýdanynda grek-rım kúresinen KSRO, Azııa, Eýropa jáne álem chempıony, Olım­pııa oıyndarynyń júldegeri, balýan Dáýlet Tur­lyhanov dúnıege keldi;

– 28 qarashada Almatyda M.Áýezovtiń murajaı-úıi ashyldy.

...Osydan 50 jyl buryn, ıaǵnı 1973 jyly:

– 20 naýryzda Mańǵystaý, Jezqazǵan oblys­tary quryldy;

– 13 sáýirde burynǵy Jezqazǵan oblystyq «Jezqazǵan týy» gazetiniń birinshi sany jaryqqa shyqty;

– 15 shildede Medeý shatqalynda sel tasqyny boldy;

– 16 qyrkúıekte Soltústik Qazaqstan oblysynyń Beskól kentinde veloshabandoz, Olımpıada chempıo­ny Aleksandr Vınokýrov dúnıege keldi;

– Qazaqstan fýtbol jastar quramasy Búkil­odaqtyq «Pereprava» týrnıriniń kúmis júldegeri atandy;

– Qazaqstan kartasynda Sátbaev qalasy paıda boldy;

– Almatyda Azııa men Afrıka elderi jazýshy­larynyń 5-konferensııasy ótti;

– Jańaózen qalasynda tabıǵı jáne ilespe gaz óńdeýmen, gaz kondensatyn suıyltatyn jáne qurǵaq gaz, gaz benzınin alýmen aınalysatyn Qazaq gaz óńdeý zaýyty iske qosyldy;

– Temirtaý qalalyq tarıhı-ólketaný murajaıy ashyldy;

– Qazaqstan Ulttyq Ǵylym akademııasynyń arheologııalyq murajaıy quryldy.

...Osydan 40 jyl buryn, ıaǵnı 1983 jyly:

– 14 naýryzda Taraz qalasynda bokstan Olımpıada chempıony Baqtııar Artaev dúnıege keldi;

– «Qazaq SSR tarıhy» kitaby 5 tom bolyp jaryqqa shyqty;

– 25 tamyzda Qazaq KSSR Joǵarǵy Keńesi Prezıdıýmy «Qazaq tili orfografııasynyń negizgi erejeleri» atty Jarlyq qabyldady;

– 5 qazanda kórnekti jazýshy, «Kóshpendiler» trılogııasynyń avtory Ilııas Esenberlın dúnıeden qaıtty;

– 16 qarashada Qaraǵandy oblysynyń Abaı qalasynda bokstan álem jáne Olımpıada chempıo­ny Serik Sápıev dúnıege keldi;

– Qazaqstan Ulttyq Ǵylym akademııasynyń geografııalyq sektory negizinde Geografııa ıns­tıtýty uıymdastyryldy;

– Almatyda respýblıkalyq Oqýshylar saraıy salyndy;

– Almatyda Qazaqstan shyǵarmashyl jasta­rynyń «Jiger» festıvali bolyp ótti;

– Qazaq televızııasy tolyǵymen túrli-tústi formatqa kóshti.

...Osydan 30 jyl buryn, ıaǵnı 1993 jyly:

– 4 qańtarda Tashkentte Orta Azııa memleket basshylarynyń kezdesýi barysynda taraptar «Araldy qorǵaý» halyqaralyq qoryn qurý týraly sheshim qabyldady;

– 9 qańtarda Qazaqstan Respýblıkasynyń Reseı Federasııasyndaǵy ýákiletti ókildigin (elshilik) ashý týraly, Qazaqstan Respýblıkasynyń Federatıvti Germanııa Respýblıkasyndaǵy, Fran­­sýz Respýblıkasyndaǵy, Iran Islam Respýb­lıkasyndaǵy, Ázerbaıjan Respýblıka­synda­ǵy, Armenııa Respýblıkasyndaǵy, Belarýs Respýblıkasyndaǵy, Grýzııa Respýblıkasyndaǵy, Qyrǵyzstan Respýblıkasyndaǵy, Túrikmen­standa­ǵy, О́zbekstan Respýblıkasyndaǵy, Ýkraınadaǵy elshilikterin ashý týraly jarlyqtarǵa qol qoıyldy;

– 13 qańtarda «Qazaqstan Respýblıkasynyń memlekettik shekarasy týraly» Zań qabyldandy;

– 28 qańtarda Qazaqstan Respýblıkasynyń tuńǵysh Konstıtýsııasy qabyldandy;

– 22 qańtarda Qazaqstan Ulttyq Ǵylym akademııasy memlekettik mártebesinen aıyryldy;

– 28 qańtarda táýelsiz Qazaqstannyń alǵashqy Konstıtýsııasy qabyldandy;

– 8 aqpanda Qazaqstan Respýblıkasy men Iordan Hashımıt Koroldigi arasynda dıplo­matııalyq qarym-qatynas ornatyldy;

– 25 naýryzda Qazaqstan Respýblıkasy Eýropa­lyq Damý jáne Qaıta kurý bankine múshelikke kirdi;

– 2 sáýirde «Qazaqstan Respýblıkasy Áskerı-teńiz kúshterin qurý týraly» jarlyqqa qol qoıyldy;

– 14 sáýirde Qazaqstan Respýblıkasynyń Vengrııa Respýblıkasyndaǵy, Belgııa Koroldigindegi, Egıpet Arab Respýblıkasyndaǵy elshilikterin ashý týraly jarlyqtarǵa qol qoıyldy;

– 14 sáýirde «Jappaı saıası qýǵyn-súrgin qurbandaryn aqtaý týraly» Zańy shyqty;

– 15 sáýirde «Iran Islam Respýblıkasynan jáne basqa memleketterden otandastarymyzdy kóshirip alýdy uıymdastyrý sharalary jáne ımmıgrasııa kvotasy týraly» qaýlyǵa qol qoıyldy;

– Qazaqstan Respýblıkasynyń Joǵarǵy Keńesi «Iаdrolyq qarýdy taratpaý týraly Kelisimge qosylý týraly» qaýly qabyldady;

– «Qazaqstan Respýblıkasy Ulttyq bankiniń teńge saraıy» Respýblıkalyq memlekettik kásip­orny quryldy;

– Qazaqstan Dúnıejúzilik týrızm uıymyna múshe boldy;

– «Kásiptik odaqtar týraly» zań qabyldandy;

– Qazaqstan Halyqaralyq Olımpıada komıte­tine múshe boldy;

– 18 qazanda «Aýdıtorlyq qyzmet týraly» Qazaqstan Respýblıkasynyń Zańy shyqty;

– 5 qarashada «Bolashaq» halyqaralyq stıpendııasy taǵaıyndaldy;

– 12 qarashada «Qazaqstan Respýblıkasynyń ulttyq valıýtasyn engizý týraly» Jarlyq shyqty;

– 15 qarashada Qazaqstannyń ulttyq valıýtasy – teńge aınalymǵa engizildi;

– 13 jeltoqsanda respýblıka Joǵarǵy Keńesi óz ókilettigin toqtatý týraly sheshim qabyldady;

– 21 jeltoqsanda «Altyn Juldyz» belgisi, «Halyq kaharmany» ataǵy, ordender men medaldar jáne basqa da respýblıkalyq memlekettik nagradalar bekitildi.

...Osydan 20 jyl buryn, ıaǵnı 2003 jyly:

– Qazaqstanda Reseı jyly jarııalandy;

– 23 qyrkúıekte Astanada Álemdik jáne dástúrli dinderdiń birinshi Quryltaıynyń ashylý saltanaty boldy;

– Qazaqstan Respýblıkasy Qarýly Kúshteriniń Áskerı akademııasy Ulttyq qorǵanys ýnıversıteti bolyp qaıta quryldy;

– IýNESKO Álemdik mura Komıtetiniń 27-shi sessııasynda Qazaqstan terrıtorııasynda ornalasqan nysan – Qoja Ahmet Iаsaýı kesenesi arnaıy tizimge engizildi;

– «Ulttyq ınnovasııalyq qor» AQ quryldy;

–       17 jeltoqsanda «Qazaqstan Respýblı­­kasynda ólim jazasyna moratorıı engizý týraly» Jarlyqqa qol qoıyldy.

...Osydan 10 jyl buryn, ıaǵnı 2013 jyly:

– 23 qańtarda Qazaqstan biryńǵaı jınaqtaýshy zeınetaqy qoryn qurý týraly sheshim qabyldanyp, ol 22 tamyzdan bastap jumysqa kiristi;

– 29 qańtarda SCAT áýe kompanııasynyń Kókshetaý – Almaty baǵytyndaǵy «Chellenger-200» ushaǵy Almaty áýejaıynyń mańynda apatqa ushyrap, 16 adam qaza tapty. Jalpyulttyq aza kúni jarııalandy;

– 2 sáýirde Úkimet áıelderdiń zeınetkerlik jasyn kóterý týraly zań jobasyn maquldap, bul el ishinde narazylyq týdyrdy;

– 21 maýsymda «Astana Opera» opera jáne balet teatry «Birjan-Sara» operasymen shymyldyǵyn ashty;

– 1 shilde kúni Qazaqstanda avtokólikterge qatysty Evro-4 standarty engizildi;

– 1 shildede tuńǵysh memlekettik sport telearnasy – KAZsport jumysyn bastady;

– 2 shildede Baıqońyr ǵarysh aılaǵynda «Proton-M» raketa tasymaldaǵyshy kókke kóterile bastaǵan bette jerge qulap tústi;

– 9 qyrkúıekte Ulttyq kásipkerler palatasy quryldy;

– 11 qyrkúıek kúni Qashaǵan ken ornynda tuńǵysh ret munaı óndirildi;

– 26 qazanda Almatydaǵy Balýan Sholaq atyndaǵy sport kesheninde bokstan álemniń XVII chempıonatynyń fınaldyq jekpe-jekteri bolyp ótti.

 

Ázirlegen

Amantaı ShÁRIP