ASTANA. 9 maýsym. Prezıdent ákimshiliginiń kelisimimen jáne Qaraǵandy oblysynyń ákimi Baýyrjan Ábdishevtiń ókimimen Janar Rústemqyzy Bekbanova oblys ákiminiń áleýmettik sala jáne ishki saıasat máseleleri jónindegi orynbasary bolyp taǵaıyndaldy.
Bul týraly «QazAqparat» habarlady.
Janar Bekbanova 1975 jyly 26 mamyrda Qaraǵandy qalasynda týǵan. E.A.Bóketov atyndaǵy Qaraǵandy memlekettik ýnıversıtetin jáne «Qaztutynýodaǵynyń» Qaraǵandy ekonomıkalyq ýnıversıtetin bitirgen. Fılolog, orys tili men ádebıetiniń oqytýshysy, zańtaný bakalavry. 1996-2006 jyldary «Qazaqstan» Respýblıkalyq teleradıokorporasııasy» aksıonerlik qoǵamy Qaraǵandy oblystyq fılıalynda rejısser-tilshi, redaktor-tilshi, redaktor qyzmetterin atqarǵan.
2006-2009 jyldary Qaraǵandy oblysy ákimi apparatynyń bas mamany, baspasóz qyzmetiniń jetekshisi, 2009-2010 jyldary «Nur Otan» HDP Tóraǵasy birinshi orynbasarynyń keńesshisi. 2010-2012 jyldary «Nur Otan» HDP Ortalyq apparatynda baspasóz qyzmetiniń basshysy boldy.
Ol osy taǵaıyndaýǵa deıin Parlamenti Májilisi apparaty basshysynyń orynbasary qyzmetin atqarǵan.
Joldybaı Bazar.
Derekkóz: «QazAqparat».
Foto: News.nur.kz.