2023 jyldyń 9 qańtarynan bastap Taılandqa ushatyn 18 jastan asqan jolaýshylar keminde eki doza mólsherinde tolyq vaksınasılaý týraly anyqtamany alýy tıis, dep habarlaıdy Egemen.kz.
«18 jastan asqan jolaýshylar keminde eki doza mólsherinde tolyq vaksınasılaý týraly anyqtamany (vaksınanyń ekinshi komponenti elge kelgenge deıin keminde 14 kún) alýy tıis. Sondaı-aq týrıst sońǵy alty aıdan keshiktirmeı (180 kún) dárigerden alynǵan koronavırýstan aıyǵýdy rastaıtyn anyqtamany nemese vaksınalaýdan bosatý týraly hat-negizdemeni kórsetýi qajet. Vaksına almaǵan jolaýshy dárigerden sebebin kórsetetin hat usynýy kerek», dep habarlady «Air Astana» áýe kompanııasynyń baspasóz qyzmetinen.
DDU men Taılandtyń Qoǵamdyq densaýlyq saqtaý mınıstrligi maquldaǵan vaksınalardyń tizimin myna silteme arqyly kórýge bolady.
Aıta ketsek, Taılandta koronavırýs juqtyryp alyp, óz eliniń talaptary qaıtýǵa ruqsat bermeıtin jolaýshylarda koronavırýstan emdelý shyǵyndaryn qarastyratyn medısınalyq saqtandyrýy bolýy kerek. Jumys boıynsha saıahattaýshylar, onyń ishinde ekıpaj músheleri bul talapty oryndaý úshin qabyldaýshy jaqtan hat usyna alady.
Vaksınasııa men saqtandyrý talabynyń taı pasporty barlarǵa, sondaı-aq tranzıtpen saıahattaýshy jolaýshylarǵa qatysy joq. Olar baratyn eliniń talabyn saqtaýy kerek.