Senatorlar óńir jaǵdaıymen tanysty

Senator Memleket basshy­synyń Qazaqstan halqyna Jol­daýynda alǵa qoıylǵan mindet­terdi iske asyrý barysyn aýyl turǵyndarymen birge talqylady. Kezdesýge qatysýshylar Pre­zıdenttiń bastamasy boıynsha ádiletti Qazaqstandy qurý­­dy kózdeıtin saıası jáne ekono­mıkalyq reformalardy qoldaý jónindegi Senat júrgizip jatqan zań shyǵarý jumysyna jan-jaqty toqtaldy.

«2022 jyly bizdiń elimiz­de jańa kezeń bastaldy. Pre­zı­dent bastamasy boıynsha júzege asqan reformalar aıasynda Parlamenttiń róli men yqpaly arta tústi. Bul qadam­dar Qazaqstandy odan ári demo­kratııalandyrýǵa baǵyttalǵan dep sanaımyz», dedi Álı Bektaev.

Kezdesýge qatysýshylar sony­men qatar aýyldyq eldi meken­derdiń ınfraqurylymyn jańǵyrtýdyń, aýyl halqynyń ómir súrý sapasyn jaqsartýdyń jáne bilim berý salasyn damy­týdyń ózekti máselelerin de talqylady.

Al senatorlar Nurlan Bekna­zarov pen Aıgúl Qapbarova Shym­kent qalasyndaǵy «Energo­ortalyq-3» AQ jumysymen tanysty. Bıyl munda elektr stansasynyń negizgi jáne qosal­qy jabdyqtaryna jóndeý jumys­tary júrgizildi.

Kompanııa ókilderiniń aıtýynsha, kásiporyn 1981 jyly salynǵan. Onyń negizgi jabdyq­tary 61,5 paıyzǵa deıin tozyp ketken. Senatorlar Memleket basshysynyń tapsyrmalaryn eskere otyryp, elimizdiń birqatar jylý elektr stansalarynda oryn alǵan aýyr apattardy jáne jylý berý maýsymynda ava­rııalyq jaǵdaılar men teh­nı­kalyq aqaýlardy aldyn alý­dyń mańyzdylyǵyna JEO basshy­ly­ǵynyń erekshe nazaryn aýdardy.

«Memleket basshysynyń tapsyr­masy boıynsha energııa óndirýshi kompanııalarǵa aýqym­dy tehnologııalyq saraptama júrgizildi jáne sharalar jos­pary belgilendi. Aldaǵy ýaqytta elektr stansalary bas­shy­larynyń jaýapkershiligin art­tyrý máseleleri boıynsha qol­danystaǵy zańnamaǵa ózgerister engizý qarastyrylatyn bolady», dedi Aıgúl Qapbarova.

Senatorlar «Kongress holl» kópsalaly kesheniniń qurylys barysymen jáne memleket-jekemenshik áriptestik aıasynda iske qosylǵan «Atameken» medı­sınalyq ortalyǵynyń jumy­symen de tanysty.