Tennısten Qazaqstannyń birinshi, álemniń 21-raketkasy Elena Rybakına Aýstralııanyń Adelaıda qalasynda búgin jalaýy jelbireıtin WTA 500 sanatyndaǵy ekinshi týrnırge qatysady.
Osydan bir apta buryn dál osy qalada ótken birinshi týrnırde otandasymyz alǵashqy aınalymda álemniń 14-shi, sol jarystyń 5-raketkasy retinde tirkelgen amerıkalyq Danıel Kollınzben kezdesip, úsh sette – 5:7, 6:2, 6:3 esebimen basym túsken bolatyn. Alaıda ekinshi kezeńde álemdik reıtıngte 69-orynda turǵan 20 jastaǵy ýkraınalyq Marta Kostıýkke 6:7, 6:2, 6:3 esebimen jol bergen edi.
Araǵa apta salyp dál sol qalada uıymdastyrylyp jatqan júlde qory 239 myń 477 AQSh dollaryn quraıtyn WTA 500 sanatyndaǵy ekinshi jarystyń bastapqy básekesinde Elena Rybakına álemniń 8-raketkasy, reseılik Darıa Kasatkınamen sheberlik baıqasady. Eki tennısshi buǵan deıin kortta úsh márte kezdesip, bireýinde – Rybakınanyń, ekeýinde reseılik tennısshiniń mereıi ústem bolǵan. Eń keıingi ret olar byltyr AQSh-tyń San-Hose qalasyndaǵy WTA 500 týrnıriniń birinshi aınalymynda kezdesip, D.Kasatkına 1:6, 6:2, 6:0 esebimen basym túsken.