Selfı-konkýrs: «Astana jáne men»

«Egemen Qazaqstan» konkýrstyń osyndaı túrin jarııalap otyr Jyl saıyn kóńilge jylylyq uıalata keletin mamyrajaı Astana kúni jaqyndap keledi. Osy aıtýly kúnge oraı «Egemen Qazaqstan» gazetiniń ınternet-redaksııasy facebook áleýmettik jelisin qoldanýshylar úshin «Astana jáne men» atty selfı-konkýrs uıymdastyrýǵa sheshim qabyldady. Selfı (fotoavtoportret) – face­book áleýmettik jelisin qolda­nýshylar arasynda keńinen tara­ǵan sýretke túsirý ádisteriniń biri. Qazirgi tańda jastar jaǵy kó­birek paıdalanatyn sýretke basý­dyń bul tásili ınternetti, sonyń ishinde áleýmettik jelilerdi turaq­ty túrde qoldanatyndar arasynda trendke aınalyp otyr dese de bolady. Konkýrsqa qatysýshylardyń usynatyn sýretterinde Astananyń búgingi kelbeti, ondaǵy tarıhı jáne halyqtyń kóz qýanyshyna aınalǵan, áleýmettik mańyzy zor oryndar kórinis berýleri kerek. Saıysqa qatysýshylardyń ­arnaıy tirkeýden ótýiniń qajeti joq. Olar ózderi túsirgen elor­damyzǵa qatysty sýretterin 16-30 maýsym kúnderi aralyǵynda facebook-taǵy­ photo.egemen.kz saıtyna jiberip turýlary tıis. Kelip tús­ken sýretterdiń árqaısysy moderasııa­dan ótken­nen keıin photo.egemen.kz saıtyna ornalastyrylady. Konkýrstyń sońynda saıtqa ornalastyrylǵan jumystar irik­telip, jeńimpaz ben júldegerler esimderi anyqtalady. Olarǵa re­daksııanyń arnaıy syı-sııapattary tapsyrylady. Joldybaı BAZAR, «Egemen Qazaqstan».