Buǵan deıin biz ústel tennısinen Qatardyń astanasy – Dohada álem chempıonatynyń irikteý týrnıri ótip jatqany jáne sol jarysta Qazaqstan quramasy eki joldamaǵa ıelik etkeni jaıynda jazǵan edik.
Keshe Parsy shyǵanaǵynan taǵy bir qýanyshty habar kelip jetti. Elimizdiń eń úzdik ústel tennısshisi Kırıll Gerasımenko sheshýshi tusta sıngapýrlyq Klarens Chje Iýdy 4:1 esebimen utyp, álem chempıonatynyń joldamasyn enshiledi. Árıne, oǵan esh tańdanýǵa bolmaıdy. О́ıtkeni 26 jastaǵy Kırıll osyǵan deıin de kóptegen halyqaralyq jarysta tabysty óner kórsetip, san márte jeńis tuǵyryna kóterildi. Ol 2016 jyly Rıo-de-Janeıro jáne 2021 jyly Tokıo Olımpıadalaryna qatysty. Birer jyl Germanııanyń býndeslıgasynda baq synady. Búginde Gerasımenko álemdik reıtıngte 30-oryndy ıelenip otyr.
Esterińizge sala keteıik, osyǵan deıin juptyq básekede Kırıll Gerasımenko men Alan Qurmanǵalıev jáne aralas juptar saıysynda Aıdos Kenjeǵulov pen Záýresh Aqasheva joldamany qaltalaryna basqan edi.