Beket ınfraqurylymyn nyǵaıtý

Depýtattar Májilis qa­byl­daǵan «2014 jylǵy 29 mamyr­daǵy Eýrazııalyq ekonomı­kalyq odaq týraly shartqa Qyrǵyz Respýblıkasynyń qosylýyna baılanysty Qyr­ǵyz Respýblıkasynyń 2014 jylǵy 29 mamyrdaǵy Eýra­zııalyq ekonomıkalyq odaq týraly shartty, Eýrazııalyq eko­nomıkalyq odaqtyń quqy­ǵyna kiretin jekelegen halyq­aralyq sharttardy jáne Eýrazııalyq ekonomıkalyq odaq organdarynyń aktilerin qol­danýy jónindegi jaǵdaılar men ótpeli erejeler týraly 2015 jylǵy 8 mamyrda qol qoıylǵan hattamaǵa ózgeris engizý týraly hattamany ratıfıkasııalaý týraly» zańdy qarastyrdy.

Hattamanyń ratıfıkasııalanýy Qazaqstan Respýblıkasy men Qyrǵyz Respýblıkasy arasyndaǵy ótkizý beketteriniń ınfraqurylymyn jaq­sar­týdy, atap aıtqanda olardy jaılastyrý jáne mate­rıal­dyq-tehnıkalyq jaraq­tandyrý boıynsha eki jaqty ýaǵdalastyqtardy oryndaý merzimderin uzartý jónindegi yntymaqtastyqty kózdeıdi.

Zań Eýrazııalyq ekono­mıkalyq odaq quqyqtary quralatyn halyqaralyq sharttar men aktilerdiń kedendik qu­qyq­tyq qatynastaryn retteı­tin talaptarǵa sáı­kestigin qam­tamasyz etýge múmkindik beredi. Atalǵan komıtet músheleri tal­qylaý qory­tyndysy boıynsha zańdy palata otyrysynyń qa­raýyna jiberý týraly sheshim qa­byl- dady.

«Egemen-aqparat»