Ońtústik Qazaqstan oblysynyń Saıram aýdanynda 23 jasar jigit óziniń 21 jastaǵy áıeli men 19-daǵy qaryndasyn pyshaqtap óltirdi. Oblystyq ishki ister departamenti baspasóz qyzmeti habarlaǵandaı, polıseıler olar turatyn úıdiń qorasynan eki birdeı máıittiń ústinen túsken.
Tártip saqshylary kelgende, aýladan ártúrli dene jaraqatyn alǵan er kisi kezigedi. Ony da soqqyǵa jyqqan jańaǵy jigit bolyp shyqty.
«Bul qylmysqa jaraqat alyp qalǵan er adamnyń 23 jasar ógeı uly sebep bolǵan. Ol artynsha ustalyp, óz qylmysyn tolyq moıyndady. Jas jigit osynyń aldynda áıelimen ursysyp qalǵan. Keshke bolǵan urys-keristen keıin ol pyshaqty áıeliniń jon arqasyna urady. Sodan ony qoraǵa aparyp, birneshe jerden pyshaqtap óltirgen», – delingen habarlamada.
Aýlaǵa shyqqan jigit aıǵaıdy estip júgirip kele jatqan qaryndasyna kezigip, ony da baýyzdap, qoraǵa aparady. Sol jerde ekeýin de baltalap tastaıdy. Odan keıin ol túk bolmaǵandaı baqshaǵa baryp, ógeı ákesine kómektesýge kirisedi.
Bir kezde ógeı ákesi sóz arasynda onyń daýkestigin betine basady. Buǵan yza bolǵan jas jigit qolyndaǵy kúregimen ógeı ákesin de uryp jyqqan.
Atalǵan oqıǵaǵa baılanysty Qylmystyq kodekstiń 96-baby boıynsha qylmystyq is qozǵaldy. Kúdikti qamaýǵa alyndy.
Murat AITQOJA.