Atajurtqa tilekshimiz

Jaqynda Eýropa, Azııa sonyń ishinde Qytaı, Reseı, Túrkııa el­derin­de boldym. Sońynda Almaty, As­­tana qalalaryna kelip, Qazaq eli­­niń tynys-tirshiligin taǵy bir kó­rip, kóńilim tolyp, júregim tol­­­­qyp, razylyq tanyttym. Dál osy sát­terimde Elbasy Nursultan Na­zar­­­­baev «Qazaqstan-2050» Stra­tegııa­­­syn qup­taǵan kóptegen ult ókil­­­derimen jo­lyq­tym. Álemde bolyp jatqan qu­by­­lys, ózgeristerge qazir pendeniń bári qulaq asyp, mán bere bermeıtin za­man ǵoı. Al Qazaq­­stan azamattary Stra­­tegııany biraýyzdan quptap, ún qo­syp jatyr. Prezıdentke ózderiniń ys­tyq yqy­lasyn bildiredi. Keri­sin­she, As­ta­nada Joldaýdy ulyq­taý, dá­rip­­teý sál-pál baıaý ekeni baı­qal­dy. Qa­zaq­standy qýatty elge aı­­nal­­­dy­rý tarıhı sheshim, deıdi bári. Bıyl­­ǵy Joldaýdaǵy «Altyn kún­di qon­dy­ryp qanatyna, Qazaq eli sam­ǵaı­dy bolashaqqa» degen joldar meniń de oı-sanama samǵaý bergendeı boldy. Shyndyǵynda, tulpar shabysymen shapqan el – baqyt jolyn ashqan el, ulylyqqa qoly jetken el! Muny atajurt halqynyń tynys-tirshiligi, ásem Astanasynyń sulýlyǵy aıqyn kórsetip tur. Uly óshpes el bolý búkil álem halyqtarynyń armany ǵoı. Halqy­nyń bereke-birligi, ózara tatýlyǵy arqyly sol armanyna jetip, álemge tanylǵandar da, ózara qyrǵı-qabaq bolyp, birin-biri jaqtyrmaı júrip, aqyry tozyp, joǵalyp jatqandar da barshylyq. Jasym egdelengen shaǵymda Qazaq eli halqynyń ba­qyt­qa bólenip, uly, ulaǵatty el bol­ǵany, Elbasynyń asa kemeńgerliginiń arqasy dep bi­lemin. Bul – qazaqtyń bir uly retin­de meniń de iri qýanyshym. Qazaq elim jasaı beretinine jan-júregimmen senemin. Osy sapa­rym­­nyń taǵy bir qýanyshty sáti­niń biri, meniń jerlesim Úzben Qur­manbaıulynyń qazaq halqyna, Elba­syna arnap jazǵan eki kitaby­men tanysýym boldy. Budan sál buryn jazǵan «Oralǵan baqyt, oryn­dalǵan arman» kitabyn da oqy­ǵanmyn. Biri basy, kelesisi sońy bolyp jalǵasqan osy eki kitap, qazaq halqynyń myń jylǵy asyl armany, onyń táýel­sizdigin alǵan sátten, búgin uly el bolyp qalyptasqany, halqynyń bereke jolyndaǵy qaharmandyǵy, Elbasynyń erligi dep tanýymyz kerek. Úzben kitaptarynda Qazaq eliniń 22 jyldaǵy tabysyn, halqynyń eńbeginiń jemisin naqty kórsetken. Jıyrma jyldan sál asqan ýaqytta eki júz jylǵa tatıtyn órkenge jetken álemdegi tek Qazaqstan ekenin shyndyqqa ushtastyra dáleldegen. Allaǵa shúkir, sonaý 1990 jyl­­dyń basynda Qazaq eli men Moń­ǵo­lııa arasyna telefon, telegraf baılanysyn jasatyp, áýe qatynasy óz sheshimin tapqan edi. Baıan-О́lgeı qazaqtary «Qazaqstan» telearnasyn kóre bastady. Tipti, sol ýaqytta alǵash «Qazaq elinde 100 balany tegin oqytatyn bolypty» degende senbegender de bolǵan. Sodan beri qarashańyraǵymyz dep kelemiz. Islam Qabyshuly, akademık. MOŃǴOLIIа, Ýlan-Bator.