Mektep bitirýshi túlekterdiń de, ata-analary men ustazdarynyń da tynyshyn alǵan ulttyq biryńǵaı testileý naýqany aıaqtaldy. Bıyl UBT-dan Ońtústiktiń mereıi joǵary boldy. Sebebi, 6 maýsymda osy óńirdiń eki birdeı bilimdi jasy 125 ball jınap, Almatymen ıyq qaǵystyryp, respýblıka boıynsha kósh basynan kórindi.
Eń joǵary kórsetkishke ıe bolǵan Ulpan Erjanova Ordabasy aýdanyndaǵy Ǵ.Muratbaev atyndaǵy orta mekteptiń, al Shahzoda Ahmetjanova Shymkenttegi Z.Kosmodemıanskaıa atyndaǵy jalpy orta mekteptiń túlegi. Al, 8 maýsymda Maqtaaral aýdanynyń B.Momyshuly atyndaǵy mektep-gımnazııasynyń úsh birdeı oqýshysy 123 ball jınady. Olar – Ásııa Aıkenje, Nurlan Ertaev jáne Nurlan Nókerbek. Osy bilim uıasynan 27 «Altyn belgi» ıegeriniń shyǵýyn da maqtanyshpen aıtýǵa bolady.
О́tken jyly oblystaǵy mektep bitirýshilerdiń orta baly 72,5-ti qurasa, bıyl 74,5-ke jetip otyr. Byltyr óńirimiz boıynsha 337 túlek «Altyn belgini» ıelense, bıyl bul kórsetkish 430-ǵa jetip, 93-ke artty. Jalpy, ústimizdegi oqý jylynda «Altyn belgige» úmitker 1131 oqýshynyń 38 paıyzy ǵana senimdi aqtady. 102 «Altyn belgi» oblystaǵy «Daryn» mektepteriniń bitirýshilerine buıyrdy.
Mektep bitirýshi túlekterdiń bıylǵy kórsetkishi kóńil kónshitedi. Máselen, bıyl 2370 oqýshy 100 baldan joǵary jınap, ótken jylmen salystyrǵanda 119-ǵa artqan. Byltyr jalǵyz oqýshy 125 ball jınasa, bıyl ol 2-ge jetti. Sondaı-aq, 11 túlek 123 baldan ıemdendi. Onyń 6-ýy Shymkentten, 3-ýi Maqtaaraldan, qalǵan 2-ýi Arys qalasy men Ordabasydan. Oblys boıynsha orta baly 88,6-ǵa jetken Kentaý qalasynyń túlekteri kósh bastasa, Túrkistan 81,6 jáne Shymkent 80,1 balmen bilim deńgeıiniń qandaı ekenin kórsetti.
Úmithan ALTAEVA.
Ońtústik Qazaqstan oblysy.