16 qańtardan bastap oblys ortalyǵynda 48 apparattyq-baǵdarlamalyq keshen (35 – jelilik ýchaskede jáne 13 – qıylystarda) qalanyń jol qaýipsizdigin qamtamasyz etedi, dep habarlaıdy Egemen.kz IIM-ge silteme jasap.
Júıe jyldamdyq rejıminen asyp ketý, baǵdarshamnyń tyıym salý sıgnalyna ótý, jol belgilerin saqtamaý sekildi jol erejeleriniń buzylýyn tirkeıdi.
«Jol qozǵalysy erejelerin buzýshylyqtardy tirkeý avtomattyq rejımde júrgiziledi jáne polısııa qyzmetkeri teksergennen keıin quqyq buzýshyǵa jiberiledi. Barlyq ereje buzý jaǵdaılary QR Bas prokýratýrasynyń quqyqtyq statıstıka jáne arnaıy esepke alý komıtetiniń ákimshilik óndiristerdiń biryńǵaı tiziliminde avtomatty túrde tirkeledi. Hattamalardy ESQ kómegimen erap-public.kgp.kz jáne egov.kz saıttarynan, sondaı-aq Kaspıı bankiniń mobıldik qosymshasyndaǵy memlekettik qyzmetter bóliminde júkteýge bolady», dep jazylǵan habarlamada.