«Egemen Qazaqstan» gazetiniń baıyrǵy oqyrmanymyn. Basylymnyń bıylǵy 10 qańtar kúngi №5 sanynda «Alǵashqy qazaq kalendary» atty maqala (avtory Beken Qaıratuly) jarııalanǵan eken. О́te qundy joba.
Aıtaıyn degenim bul emes. Bizde osydan 100 jyl buryn shyqqan qazaqsha kalendar qazir nege joq?!. Qazaq kalendary dál qazirgi qoǵam úshin óte qajet dúnıe. Izdeseń tappaısyń, oryssha kalendar tolyp tur. Alýan taqyrypta. Satýshydan «Qazaqsha kalendar nege joq?» dep surasańyz mysqyldaı kúlip: «Úkimetten surańyz» deıdi. Árıne, satýshy durys aıtady.
Buryndary qazaqsha kalendar kádimgideı rýhanı – tanymdyq kitap sııaqty bolatyn. Sol jyly bolýǵa tıis dataly merekeler, tarıhı oqıǵalar, tulǵalardyń týǵan kúnderi men dúnıeden ótken merzimderi, sonymen qatar adamzat ǵumyryna paıdasy tıgen iri jańalyqtardyń ashylǵan ýaqyty qatarly dúnıeler tolyp turatyn. Mektep ustazdary osy kalendarǵa qarap, jyldyq oqý-tárbıe jumysyn josparlaıtyn edik.
Bireýler aıtatyn shyǵar, qajet dúnıeler ınternette tolyp tur dep. Oǵan talas joq. Biraq onyń qaısysy ultymyzdyń bolmysyna keri, qaısysy paıdaly, ony sońǵy býynnyń ajyratýy qıyn. О́ıtkeni paıdaly, paıdasyz aqparat kóp. Al kalendar bolǵan jaǵdaıda jáne ony Oqý-aǵartý nemese Mádenıet jáne sport mınıstrligi saraptan ótkizip, qazirgi zaman talabyna saı etip bekitip bergen bolsa, tıimdiligi zor bolary haq.
Kósherbaı TО́KESTAI,
ardager ustaz
Oral