Bahreınniń astanasy – Manamada semserlesýden jastar arasyndaǵy álem kýbogi aqtaldy. Bul jarysta 14 memleketten kelgen 100-ge tarta sportshy baq synady.
Jarystyń alǵashqy kúni Qazaqstan jastar quramasynyń múshesi Bogdan Lýkın tabysty óner kórsetti. Bastapqy básekelerde barlyq qarsylasynan basym túsken ol jartylaı fınalda estonııalyq Salm Markýstan bir ǵana upaı utylyp, qola medal ıelendi. Nátıjesinde, Baltyq jaǵalaýynyń ókili kúmispen kúptelse, bas júlde mysyrlyq El-Saıd Muhammedke buıyrdy. Taǵy bir qolany ıordanııalyq Oden Lıad enshiledi. О́zge jerlesterimiz mynadaı oryndardy ıelendi: Alekseı Kasatkın – 9, Georgıı Tınnıkov – 32, Mıhaıl Kýzmın – 40, Ańsar Qasen – 44, Arman Jabaıhanov – 58 jáne Vladıslav Snegırev – 59.
Komandalyq saıystyń «shpaga» jattyǵýy boıynsha Qazaqstan quramasy kúmis medal oljalady. Bizdiń jigitter jartylaı fınalda Estonııany jeńgenimen, aqtyq synda Mysyrǵa ese jiberdi.