Jazýshy úshin qalamnan keıin taǵy bir qymbat dúnıe bar, ol – jazý ústeli. Ádebıetimizdegi tarıhı romandardyń kóshbasshysy Ilııas Esenberlınniń jazý ústeli, týǵan jeri – Atbasar qalasyndaǵy kórnekti qalamger atyndaǵy ádebı mýzeıde saqtalǵan. Bul jádigerdi sýretkerdiń otbasy 2012 jyly atalǵan murajaıǵa tapsyrǵan.
Jazý ústeliniń túsi ashyq qońyr. Onyń betindegi taqtaıy bir aǵashtan jasalǵan, kólemi (139,7h70,0h3,0 sm). Ústeldiń pishini tiktórtburyshty bolyp keledi. Lakpen jyltyratylyp, jıekteri qońyr tústi tekstýrnyı qaǵazben qaptalǵan. Ústeldiń oń jaǵyndaǵy tartpanyń ishine artyq zattardy qoıýǵa bolatyn oryn bar. Sonymen birge sol jaǵyndaǵy shaǵyn úsh tartpanyń da kólemi birdeı. Tartpalardyń jıegi altyn tústi jolaqtarmen bezendirilgen. Ústeldiń aıaǵy myqty, berik. Aıta keteıik, jazý ústeli 1980 jyly Germanııada jasalǵan.
Bul ústeldi jazýshyǵa týǵan baýyry Raýnaq Esenberlın Rıga qalasynda turǵanda satyp alyp beripti. Osy jazý ústelinde qabyrǵaly qalamger ádebıetimizdiń qazynasyn baıytqan birqatar súbeli shyǵarmasyn ómirge ákelgen.