Aqparattyq tehnologııanyń qaryshtap damýyna qaramastan, merzimdi basylymdarǵa degen jazylym áli de júrgizilip jatyr. Eger statıstıkaǵa kóz júgirtsek, onyń basym bóligi eldimeken turǵyndary ekenin kóremiz. Árıne, jyl ótken saıyn, gazet-jýrnaldardyń tıraj sany da azaıýda. Desek te bıyl respýblıkalyq basylymdarǵa – 17 000 880, al jergilikti gazet-jýrnaldarǵa 19 000 369 jazylym bar.
Ulttyq poshta operatorynyń nazarǵa qoıǵan basty mindeti – jetkizý qyzmetiniń sapasyn arttyrý. Merzimdi baspasóz ókilderinen de dál osy másele jóninen suraq kóp ekenin bilemiz. Bul biz úshin de ótkir problema. О́ıtkeni jetkizý qyzmetin kóbinese poshtashylar iske asyrady. Búginde respýblıka boıynsha olardyń sany nebári 3 myńǵa jýyq. О́tken jyly bul máseleni kún tártibine qoıǵanymyzdyń nátıjesinde bıyl olardyń eńbekaqysy 25 paıyzǵa artty. Bul da sapaly qyzmet kórsetýge óz áserin tıgizetini belgili.
Sondaı-aq bizge jergilikti jerden mamandardy tabý qıynǵa túsedi. Osy olqylyqtyń ornyn toltyrý úshin jumysymyzdyń keıbir tustaryn avtomattandyrýdy oılastyryp jatyrmyz. Osylaısha qandaı mekemelerge qaı ýaqytta jetkizilgenin bilip otyramyz.
Bıylǵa júktelgen taǵy bir mindet – jazylymdy ınternet arqyly júrgizý. О́tken jyly osy baǵyttaǵy jumystardy bastadyq, bıyl tolyǵymen júıelep, aıaqtaýdy kózdep otyrmyz. Bul da bizdiń qyzmetimizdi jeńildetýge sep bolar edi. Iаǵnı burynǵydaı turǵyndar poshtashyny kútip otyrmaıdy. Úılerin de otyryp-aq, qyzmetterdi óz betinshe júzege asyrady.
Sáýle ÁBILBAEVA,
«Qazposhta» AQ basqarmasynyń poshta qyzmeti jónindegi dırektory