Ashat Aımaǵambetov M.S.Nárikbaev atyndaǵy KAZGIýÝ ýnıversıtetiniń oqytýshysy atandy, dep habarlaıdy Egemen.kz.
Ýnıversıtet burynǵy Oqý-aǵartý mınıstri olardyń usynysyn nege qabyldaǵanyn túsindirdi.
«Ashat Aımaǵambetov bilim alýshylarymyzben tájirıbe jáne bilim bólisý úshin bizdiń usynysymyzdy qabyldady. Onyń dáristeri oqý sapasyn da, stýdentterdiń jeke damýyn da kúsheıtetinine senimdimiz», delingen ýnıversıtet taratqan habarlamada.
Ashat Aımaǵambetovtiń aıtýynsha, onyń bilim salasynda túrli usynystary men alǵa qoıǵan josparlary bar.
«Aldaǵy josparlarym týraly jaqyn arada aıtamyn. Oqytýshylyq jumysty kez-kelgen jumyspen biriktirýge bolady, sondyqtan men aǵartýshylyq qyzmetti de jalǵastyramyn», dedi ol.
2022 jyldyń maýsymynan 2023 jyldyń qańtaryna deıin Ashat Aımaǵambetov QR Oqý-aǵartý mınıstri qyzmetin atqardy. Budan buryn, 2019-2022 jyldary QR Bilim jáne ǵylym mınıstri bolǵan.