Pavlodar qalasyndaǵy tarıhı kóne meshitterdiń biri – Bıjan meshiti kúrdeli jóndeýden ótip, jamaǵatqa esigin qaıta ashty, dep habarlaıdy Egemen.kz Ravlodarnews.kz-ke silteme jasap.
QMDB-nyń Pavlodar oblysy boıynsha baspasóz qyzmetiniń málimetinshe, saltanatty sharaǵa Pavlodar oblysynyń bas ımamy Joldas Bertymuratov jáne qalanyń qadirli ata-apalary, ardagerler, meshit jamaǵaty qatysty. Shara atalmysh meshittiń bas ımamy Ábdisamat Aıtqazyulynyń qasıetti Quran aıattaryn oqýmen bastaldy.
– Kúrdeli jóndeýden ótip, ulǵaıtylǵan Bıjan meshiti 200-ge jýyq jamaǵat bir mezgilde namaz oqı alatyn múmkindikpen qamtylǵan. Imamdar bólmesi, áıelder namaz oqıtyn jáne dáris alatyn, qyzmetshiler bólmeleri, sonymen qatar jamaǵattyń syrt kıimderin sheship, arnaıy dáret alyp, jýynatyn oryndar qarastyrylǵan, – deıdi baspasóz hatshysy Amantaı Toıshybaıuly.
Bıjan – meshiti alǵash osy óńirdegi Bıjan Shoqybasuly esimdi mesanattyń uıymdastyrýymen 1923 jyly qaraǵaı aǵashymen salynyp, 1991 jylǵa deıin keńes úkimeti dáýirinde de úzilissiz dinı qyzmet atqaryp kelgen jalǵyz meshit. Meshittiń negizin qalaýshy Bıjan Shoqybasuly 1931 jyly tutqyndalyp, Reseıdiń Qarasýyq qalasynda túrmede qaıtys bolǵan. Kóp ýaqytqa deıin Bıjan esimine tyıym salynǵan.
Al 2005 jyly Pavlodar qalasynyń týmasy Rahat Marýanuly óz qarajatymen eski Bıjan meshitin qaıta turǵyzyp, jańǵyrtyp, eldiń alǵysyna bólengen.