Astanadaǵy Ulttyq mýzeıde 1976 jyly Qostanaı qalasynyń irgesindegi Mıchýrın aýylynyń egis dalasynan tabylǵan «Tobyl oıshyly» atalǵan tas músinniń túpnusqasy saqtalǵan. Áli kúnge deıin «syry» tolyq ashylmaǵan músinniń bıiktigi – 202 mm, salmaǵy – 4 kg.
Tas músin tabylǵan jerdi zerttegen arheologter ejelgi qurbandyq shalatyn oryn bolǵan degendi aıtady. Sondaı-aq músinniń ǵylymı sıpattamasyn jazǵan G.Zdanovıch eksponatty Azııanyń ormandy-dalasynyń antropomorfty (adamdy beıneleıtin) músin toby men bizdiń zamanymyzǵa deıingi III myńjyldyqtyń sońy men II myńjyldyqtyń bastapqy kezine jatady deıdi. Al keıbir ǵalymdar onyń tas dáýirine tıesili bolýy múmkin ekenin alǵa tartady.
Bul músinde aspanǵa qarap, oıǵa batqan er adamnyń sulbasy beınelengen. Tas músin sur-qońyr tústi túrli túıirshikti qumtastan pıketteý, qashaý tehnıkasymen jasalǵan.