ASTANA. 24 maýsym. Keshe túnde Avstralııa quramasymen chempıoanttaǵy sońǵy oıynyn ótkizgen Ispanııa komandasy 3:0 esebimen jeńiske jetti. Bul týraly egemen.kz habarlady.
«V» toby. 3-týr. Avstralııa – Ispanııa 0:3 (0:1).
23 ııýnıa. Kýrıtıba. «Arena Baıshada» stadıon. 39 375 kórermen. Tóreshi - Abdýlla Shýkralla (Bahreın).
Avstralııa: Mettıý Raıan, Raıan Makgovan, Aleks Ýılkınson, Mettıý Shpırarnovıch, Djeıson Devıdson, Mıle Edınak, Mett Makkeı, Mettıý Lekı, Olıver Bozanovıch (Mark Breshıano, 72), Tommı Oýr (Djeıms Troısı, 61), Adam Taggart (Ben Helloran, 46).
Ispanııa: Pepe Reına, Hýanfran, Serhıo Ramos, Raýl Albıol, Hordı Alba, Habı Alonso (Davıd Sılva, 83),Koke, Santı Kasorla (Sesk Fabregas, 68), Andres Inesta, Davıd Vılıa (Hýan Mata, 56), Fernando Torres.
Goldar: Davıd Vılıa (36), Fernando Torres (69), Hýan Mata (82).
Eskertýler: Mettıý Shpıranovıch (88), Mıle Edınak (90+2) – Serhıo Ramos (62).
Osy chempıonatta Ispanııanyń chempıondyq ataǵynan aıyrylyp qalatyny ekinshi oıynnan keıin-aq belgili boldy. Munyń ózi álemniń sońǵy, Eýropanyń qatarynan eki dúrkin úzdiginiń pleı-off aımaǵyna óte almaıtynyn aıǵaqtap berdi. Alaıda, Vısente del Boskeniń shákirtteri aldyńǵy eki urysta «taıaq jep» qalýyn qanaǵat tutyp, Brazılııadan marqaıǵan kóńilmen taǵy kete almas edi. Sondyqtan olar toptaǵy sońǵy shaıqasqa baryn saldy.
Alaıda, alǵashqy on mınýt Angelos Posteoglý shákirtteriniń ýystarynda ótti. Osydan keıin ǵana «qyzyl fýrııa» alańdaǵy jaǵdaıdy teńestire aldy. Al taımnyń ortasyna qaraı olar jasaǵan eki ótkir shabýyl da este qaldy. Ras, budan esep ashylǵan joq. Sonda da bolsa, ıspandar ólermendik tanytyp, úziliske deıin-aq alǵa shyǵyp úlgerdi. Ony Hýanfrannyń pasynan Davıd Vılıa túsirdi. Bir aıta ketetini, bul ekeýi de mýndıalǵa osy joly birinshi ret qatysyp jatyr edi.
Birinshi taım Ispanııanyń úlken basymdyǵymen aıaqtaldy. Ekinshi taımda del Boske alańǵa Sesk Fabregas jáne Hýan Mata syndy oıynshylaryn shyǵardy. Avstralııalyq Mettıý Raıan qorǵaǵan qaqpaǵa 82-mınýtta úshinshi goldyń túsýin tap osy eki jigit uıymdastyrdy. Al oǵan deıin Fernando Torres kózge túsip qoıǵan edi. Ol 69-mınýtta Andres Inestanyń aıyp alańyna kire berip, qaqpashy mańyna tastaǵan dobyna ekinshi qaıtara qol jetkizgende gol saldy.
Ispanııa osylaı týrnırdegi sońǵy oıynynda iri eseppen jeńiske jetti. Bul toptan Gollandııa men Chılıdiń pleı-off aımaǵyna ótetini belgili boldy.
Damır Qojamqul.
Derekkóz: Chempıonat. Rý.
Foto: Sportbox.ru.
Qorytyndy keste
N
Komandalar
O
U
T
J
Dop
Up
1
GOLLANDIIа
3
3
0
0
10-3
9
2
ChILI
3
2
0
1
5-3
6
3
ISPANIIа
3
1
0
2
4-7
3
4
AVSTRALIIа
3
0
0
3
3-9
0