Mańǵystaý oblysynda sıfrlyq tehnologııaǵa ótý lebi ár saladan ańǵarylyp keledi. Jaqsy isterdiń jalǵasyndaı bıyl Aqtaýda Mańǵystaý oblysy ákimdigi men ınvestorlar birlesip, IT-hab ashýdy josparlanyp otyr. IT-hab qurý oblystaǵy sıfrlandyrý deńgeıin arttyryp, aqparattyq-kommýnıkasııalyq ónimderdi ázirleýge kómektesedi.
2020-2022 jyldar aralyǵynda «250+» baǵdarlamasyna engizilgen 18 aýyldyq eldi mekende talshyqty-optıkalyq baılanys jelileri tehnologııasy boıynsha ınternet jáne 4G mobıldi ınternet paıdalanýǵa tolyq berilgen. Nátıjesinde Tájen, Qulandy, Senek, Ondy, Jyńǵyldy, Tushyqudyq, Shaıyr, Shebir, Aqshymyraý, Qyzan, Batyr aýyldary keńjolaqty ınternetke qosyldy. Búginde Aqtaý men Jańaózen qalasyn eseptemegende, oblysta uıaly baılanys operatorlarynyń 174 bazalyq stansasy jumys isteıdi. Sondaı-aq qoǵamdyq kólikter de kezeń-kezeńimen sıfrlandyrý júıesine ótip jatyr. О́tken jyldyń qorytyndysyna sáıkes jolaýshylardyń basym bóligi jolaqysyn elektrondy túrde tólegen, ıaǵnı jolaýshylar yńǵaıly jáne ashyq tólem júıelerin jasaı alady jáne avtobýstardyń marshrýtyn elektrondy túrde baqylaýǵa bolady.
«IT-mamandardy oqytyp, jańa jobalar men startaptardy júzege asyrý úshin granttar bólip, jańa jumys oryndaryn qurý kózdelip otyr. Túpki nátıje – naryqqa sapaly IT-mamandardy daıarlap, óńirdegi sıfrlandyrýdy joǵary deńgeıge jetkizý. Bul salanyń damýy Mańǵystaýdyń startapshylaryna ınvestısııa tartýǵa, ónimderin halyqaralyq deńgeıge shyǵarýǵa paıdaly bolmaq», deıdi Mańǵystaý oblystyq sıfrlyq tehnologııalar basqarmasynyń basshysy Aıdyn Hadıev.
Mańǵystaý oblysy