Qazaqstan Halyq partııasy atynan Parlament Májilisi depýtattyǵyna kandıdattar Nursultan Shoqanov pen Elmıra Áýezova Almaty qalasyndaǵy «Caspian Beverage Holding» JShS ujymymen kezdesti.
Úmitkerler eńbek ujymyn Halyq partııasynyń saılaýaldy baǵdarlamasymen tanystyrdy.
– Bizdiń partııa birinshi kezekte halyqtyń áleýmettik jaǵdaıyn nazarda ustaıdy. О́zekti máselelerdi Úkimetke jetkizip qana qoımaı, onyń sheshilýine yqpal etedi. Jańa Qazaqstanǵa jaldamaly jumysshylardyń áleýmettik jáne eńbek quqyǵyn qorǵaıtyn jańa Eńbek kodeksi qajet, – dedi Elmıra Áýezova.
Sóz arasynda ol densaýlyq saqtaý salasyna qatysty ózekti máselelerge de keńinen toqtaldy. Qaı turǵyndy toqtatyp surasańyz da, medısınaǵa qatysty problemalardy tizbekteı jóneletini sózsiz. Adamnyń densaýlyǵy memleket úshin mańyzdy.
– Medısına salasynda bilikti maman tapshy. Halyq «Damumed»-ke tirkelý men dárigerdiń qabyldaýyna jazylýda kedergi kóp ekenin aıtady. MÁMS jobasy da úmitti tolyq aqtamady, – dedi ol.
Partııa ókili Nursultan Shoqanov bilim salasyndaǵy kemshilikterge nazar aýdardy. Ol jastardy qoldaýdy jandandyra túsý kerek ekenin aıtty.
– Halyq partııasy barlyq jastardyń tegin kásiptik jáne joǵary bilim alýyn jaqtaıdy. Jeke kolledjder, orta arnaýly jáne joǵary oqý oryndarynyń stýdentterine eń tómengi jalaqy mólsherinde aı saıyn shákirtaqy bekitý qajet, – dedi kandıdat.
Kezdesýde jumyssyzdyq, kópbalaly analar, qandastar máseleleri áńgimege arqaý boldy. Saılaýshylar spıkerlerge suraq qoıyp, naqty jaýap aldy.
– Memleket 4 jáne odan da kóp balasy bar kópbalaly otbasylarǵa tegin baspana berýi qajet. Sondaı-aq ıpotekany úsh balaǵa deıingi otbasylarǵa qoljetimdi etýi kerek. Mindetti sharttardan bastapqy jarnany alyp tastaýdy jáne tómendetilgen paıyzdyq mólsherlemelerdi (jyldyq ekiden 5%-ǵa deıin) belgileýdi usynamyz. Ekinshi baladan bastap 25%, al 4-bala týylǵan kezden memleket esebinen ıpoteka engizýdi usynamyz, – dedi partııa ókilderi.