Keńes májilisine qatysýshylarmen kezdesti

Keshe Aqordada Qazaqstan Respýblıkasynyń Pre­zıdenti Ákimshiligi Basshysynyń orynbasary Baǵlan Maı­lybaevtyń Táýelsiz Memleketter Dostastyǵy Memlekettik aqparat agenttikteri keńesiniń (TMD Aqparat keńesi) XVIII májilisine qatysýshylarmen kezdesýi ótti. Kezdesý sheńberinde taraptar Táýelsiz Memleketter Dostas­tyǵyna qatysýshy elderdiń aqparat salasyndaǵy yntymaqtastyǵynyń kókeıkesti máselelerin talqylady. B.Maılybaev TMD Aqparat keńesi men TMD-ǵa múshe elder­diń Ulttyq aqparat agent­tik­teri qaýymdastyǵynyń ortaq aqpa­rat­tyq keńistik qalyp­tas­tyrýdaǵy úlesin atap ótti. Áńgime barysynda Qazaqstan Respýblıkasynyń Prezıdenti Ákimshiligi Basshysynyń orynbasary Qazaqstannyń Tuńǵysh Prezıdenti – Elbasy Nursultan Nazarbaevtyń TMD keńistiginde jańa ıntegrasııalyq birlestik – Eýrazııalyq ekonomıkalyq odaq qurýdaǵy tarıhı rólin atap kórsetip, onyń damý pers­pektıvalaryn bolashaqta qalaı kóretinimen bólisti. B.Maılybaev memlekettik aqpa­rat agenttikteri basshy­la­rynyń suraqtaryna jaýap berdi. Bul oraıda, etnosaralyq únqatysýdyń tamasha úlgisi bolyp tabylatyn Qazaqstan halqy Assambleıasynyń qyz­me­tine baılanysty, sondaı-aq, táýel­siz Qazaqstannyń sımvoly –  Astananyń damý kezeńderi tý­raly suraqtar da qoıylyp, olarǵa da jan-jaqty jaýaptar qaıtaryldy. Ulttyq aqparat agenttikteri qaý­ym­dastyǵy 2004 jyly Aq­pa­rat keńesiniń sheshimimen qu­ryl­ǵan halyqaralyq uıym bolyp tabylady. Ony qurýdaǵy maq­sat – TMD-ǵa qatysýshy mem­le­­ket­terdiń aqparattyq resýrs­taryn tıimdi paıdalanýdy qamta­ma­syz etý. Qaýymdastyq qura­myna Ázerbaıjannyń Azer­tadj, Armenııanyń Armen­Press, Be­larýstiń BelTA, Qazaq­stan­nyń QazAqparat HAA, Qyr­ǵyz­stannyń Kabar, Moldo­vanyń Mold­Pres, Reseıdiń ITAR-TASS, Tájik­stannyń Hovar ulttyq aqparat agent­tikteri kiredi.