Jalpyulttyq sosıal-demokratııalyq partııasy atynan Parlament Májilisiniń depýtattyǵyna partııalyq tizimi boıynsha kandıdat Anargúl Ábenova Batys Qazaqstan oblysynyń Terekti, Bórli jáne Shyńǵyrlaý aýdandary boıynsha «Úgit-nasıhat poıyzyn» iske qosty.
О́ńirlerge sapar barysynda Anargúl Ábenova jergilikti saılaýshylarmen kezdesip, partııanyń saılaýaldy baǵdarlamasynyń basym baǵyttary jóninde baıandap, jınalǵan qaýymnyń suraqtaryna jaýap berdi. «Úgit-nasıhat poıyzy» aıasynda JSDP belsendileri elimizdiń birqatar óńirin aralap, saılaýshylarmen kezdesýler ótkizdi.
Kandıdat partııanyń saılaýaldy baǵdarlamasynda bilim berý salasynyń damýyna erekshe kóńil bólingenin atap ótti. Medısına jáne bilim berý salalaryna IJО́-den jylyna eń kemi 5-7%-dy bólý usynylǵan. Jalpyulttyq sosıal-demokratııalyq partııa ókilderi mundaı shara dárigerler men muǵalimder eńbekaqysynyń bank qyzmetkerleri deńgeıine deıin kóterýge múmkindik beretinin aıtty.
Kandıdat memleket aldynda turǵan basty másele jemqorlyqqa qarsy kúres ekenin atap ótti. Onyń pikirinshe, ol úshin eń aldymen saıası reformalardy júzege asyrý kerek jáne májilistiń rólin kúsheıtý kerek.
«Ashyqtyq pen ádildikke negizdelgen azamattyq qoǵam qurý – qazirgi kúnniń basty talaby. Buǵan bastaıtyn birden-bir jol – jemqorlyqty túp-tamyrymen joıý. Elimizde sybaılas jemqorlyqqa qarsy kúres qanshalyqty nátıjeli atqarylyp jatqanyn naqty aıtý qıyn. Memleket qarjysyna qol suqqan sheneýnikterdiń temir torǵa toǵytylýy máseleniń sheshilip jatqanyn ańǵartpasa kerek. Problemanyń sebep-saldarymen kúresý mańyzdy. Reformalardyń biri bıýdjet prosedýralaryn jetildirýmen aıqyndalady. Ár eldi mekende ózine tıesili ashyq bıýdjet jasaqtalyp, naqty ýaqyt rejiminde onlaın túrde memleket qarjysynyń qalaı jáne qaıda jumsalyp jatqandyǵy ashyq kórsetilip otyrýy kerek. Sondaı-aq ortalyq jáne jergilikti atqarý organdarynda barlyq deńgeıdegi depýtattar men sheneýnikterdiń kiris-shyǵysy týraly mindetti jarııa deklarasııany shuǵyl túrde engizý qajet», dedi kandıdat.