[caption id="attachment_30996" align="alignleft" width="560"] Sultanov Rýslan SerikulyQazaqstan Respýblıkasynyń Ekonomıka jáne bıýdjettik josparlaý mınıstrligi janyndaǵy «Saýda saıasatyn damytý ortalyǵy» AQ bas dırektory[/caption]
Jýrnalıster kúni qarsańyńda Qazaqstan Respýblıkasynyń Ekonomıka jáne bıýdjettik josparlaý mınıstrligi janyndaǵy «Saýda saıasatyn damytý ortalyǵy» AQ bas dırektory Sultanov Rýslan Serikuly bir top jýrnalıster jáne blogshylarmen beıresmı kezdesý ótkizip Eýrazııalyq ekonomıkalyq odaqtyń qazirgi jaı-kúıimen tanystyryp, kókeıde júrgen suraqtarǵa jaýap berdi.
Kezdesý barysynda alǵashynda Qazaqstandyqtardyń Eýrazııalyq ekonomıkalyq odaǵyna kúmánmen qarap, saıası turǵydan baǵamdaǵanyn atap ótti. "Reseı burynǵy keńestik odaqty qaıta qurýda", "Qazaqstan ekonomıkalyq jaǵynan qaýqarsyz", "Qazaqstanda onshalyqty bıznes áleýeti damymaǵan" degen sekildi pikirler beleń alǵanyn, bul pikirlerdiń bári negizsiz ekenin aıta kelip: "О́zderińiz biletindeı, EEO zańnamalyq qujattamalary halyq talqysyna aldyn-ala salynyp, sonan soń ǵana qol qoıyldy. Al joǵaryda aıtylǵan qaýesetter aqtalmady deýge bizdiń tipti qazirgi ýaqytta negizimiz bar",-degen pikir bildire otyryp: "Bizdiń sol qaýesettegideı biryńǵaı parlamentimiz, valıýtamyz bolýy múmkin emestigin, bul tek qana ekonomıkalyq odaq ekenin ýaqyt kórsetip otyr. Bizdi egemendigimizden, táýelsizdigimizden aıyratyn eshteńe joq. Eýrazııalyq Ekonomıkalyq Odaq degenimiz ne? Ol jaı ǵana 1017 bettik kelisim aktileri, sheshimder men normalar jıyntyǵy emes, bul ekonomıkamyzǵa tyń serpin beretin joba. Osy joba óz dárejesinde oryndalsa bizdiń elimiz shıkizattyq el emes, damyǵan, ekonomıkasy myqty memleketke aınalady. Joba modernızasııalyq ekonomıkany qurýǵa qol jetkizý úshin jasalǵan qural retinde qarastyrylady. Bul – dáleldi talap etpeıtin aıqyn zattar. Kelesi másele - kadr máselesi. Mundaı aýqymdy jobalarmen básekege qabiletti kásipqoı mamandar aınalysýy tıis",-dedi.
Sonymen qatar bul jobamen tek arnaıy mamandar emes, ol ákim-qara bolsyn, ol mektepti jańa bitirgen jas bolsyn elimizdiń kez-kelgen azamaty aınalysýy tıis. Bıznesmen máselen, bir óndiristi qolǵa alsa, burynǵydaı 15-17 mln-dyq tutynýshylarǵa emes, 170 mln-dyq tutynýshyǵa arnap taýar óndirýdi josparlaý qajet ekenin basa aıtty.
Sońyra BAQ ókilderin kásibı merekelerimen quttyqtaı kele: ""Men, máselen, bizdiń BAQ Reseılik nemese batystyq áriptesterinen óz isin kem biledi dep eseptemeımin. О́z tájirıbemnen bilemin. Eýrazııalyq ekonomıkalyq odaq taqyrybyna Reseılik BAQ ókilderi naqty fakttermen nemese jaýapty qyzmetkerlerdiń pikirin tyńdamaı óz oılarymen ǵana bólisip, halyq arasynda pikir qaıshylyǵyn týdyryp otyrsa, bizdiń BAQ ókilderimiz naqty fakttermen jumys istep, halyqqa shynaıy aqparat taratyp otyrdy. О́z oqyrmandaryna eýrazııalyq úderistiń barlyq artyqshylyqtaryn jáne qıyndyqtaryn anyq jetkize bildi",-dedi.