Daýys berip, saıası oqıǵaǵa óz únimdi qosýǵa múmkindik alǵan kezden beri saılaý naýqanynan syrt qalǵan emespin.
Kóp qatarlarymnyń keritartpalyǵyna shydamaı, pikir talastyryp qalatyn kezim de joq emes. Bul bizge berilgen múmkindik dep túsingenimiz jón. Qoǵam damýyn tyń arnaǵa buryp, ózimiz ben balalarymyzdyń ómirin jaqsartýdy qalasaq, saıası naýqannan qalys qalmaǵan jón. Jańarý men jańǵyrýdyń basy osyndaı qadamdardan bastalady.
Bul naýqanǵa qyzyǵyp otyrǵanymnyń taǵy bir sebebi – onyń burynǵy saılaýlardan ereksheligi. Qazir úgit-nasıhat jumystary qyzyp, úmitkerler el aralap júr. Osylardyń arasynan el senimin arqalaýǵa laıyq, amanatqa adal azamattardy tańdaý úshin de saılaýdan qalys qalmaǵanymyz durys.
Bizdi otbasynda qalyptasqan dástúr boıynsha daýys berýge atam bastap aparady. Joldasym ekeýmiz balalardy da ertip alamyz. Osy arqyly olar bolashaqtarynyń óz tańdaýlaryna tikeleı baılanysty bolatynyn uǵynǵanyn qalaımyz.
Baldyrǵan MÁMEN,
Qyzylorda oblysy kásipkerler
palatasynyń baspasóz hatshysy