Álem chempıonatynda fýtbolshylardyń gol soqqannan keıin alańnyń shetine baryp sájde jasaýy dástúrge aınalyp barady. Osylaısha, musylman fýtbolıster gol salǵanyna shúkirshilik aıtyp, dinine berik ekendikterin kórsetýde.
Bıylǵy chempıonatta alǵashqy sájde 17 maýsym kúni Aljır men Belgııa quramalarynyń arasynda ótken oıynda tirkeldi. Aljır quramasynyń shabýylshysy Sofıan Fegýlı 24-mınýtta gol soqqannan keıin sájde jasady. Odan keıin de musylman elderiniń oıynshylary Alla taǵalaǵa alǵysyn bildirgen. Keshegi Argentına – Nıgerııa matchynda da afrıkalyq oıynshy Ahmed Musa eki dop soǵyp, komandalastarymen birge sájde jasady.