El ómirindegi úlken oqıǵanyń biri – Májilis jáne máslıhattardyń saılaýy. Sol sebepten, burynǵydan ózgeshe bolǵan bul saılaýdyń jaýapkershiligi de, mańyzy da zor.
El ómirindegi úlken oqıǵanyń biri – Májilis jáne máslıhattardyń saılaýy. Sol sebepten, burynǵydan ózgeshe bolǵan bul saılaýdyń jaýapkershiligi de, mańyzy da zor.
Elimizde byltyrǵy referendýmnan keıin alǵash ret majorıtarlyq saılaý júıesi engizildi. Demek bul saılaýdy sol referendýmnyń jemisi, jańarǵan, ádiletti Qazaqstan qurýǵa bastaıtyn tyń ári demokratııalyq qadam retinde baǵalaǵan jón.
Parlament Májilisi jáne máslıhattar depýtattyǵyna ózin ózi usynyp, saılaýda baq synaýǵa bel býǵan kandıdattar kóbeıdi. О́zin ózi usynǵan kandıdattardyń kóbeıgeninen eldegi demokratııalyq úrdistiń jandana bastaǵanyn baıqaýǵa bolady. Sol sebepten, saıası doda dúbirine qosylǵan ár kandıdattyń baǵdarlamasymen jiti tanysyp shyqtym. Bári de saılaýaldy baǵdarlamasyna kóptiń kókeıindegi túıtkildi máselelerdi arqaý etti.
Saılaý ýchaskesinde tek men ǵana emes, barsha jurt senetin, jaýapty jumystar men úlken isterdiń basy-qasynan tabylatyn, qoǵamda laıyqty orny bar, óziniń emes, tutas qoǵamnyń qamyn oılap, bolashaǵyna beıjaı qaramaıtyn kandıdatqa daýys berdim. Ádiletti Qazaqstannyń keleshegi jarqyn bolýy úshin serpindi isterdiń júzege asýyna uıytqy bola alatyn qaıratty, isker, adal depýtat qajet. Eldiń senimine ıe bolǵan sondaı depýttattar ǵana ádiletti qoǵamdy qurýǵa atsalysady. Osy turǵydan aıtqanda, bul saılaýda jigerli, bilikti, bilimdi kandıdattardyń ǵana juldyzy jandy. Sol sebepten, jańadan saılanǵan depýtattar adaldyqty basty temirqazyq retinde ustanýy qajet. Sonda ǵana jańarýǵa bet burǵan Qazaqstannyń bolashaǵy sáýleli, qadamy erkin bolady. Eń bastysy kandıdattarǵa senim bildirgen eldiń úmiti aqtalady. Aǵa býynnyń ókili retinde keler urpaq úshin táýelsizdiktiń yrysy men jemisi mol bolǵanyn qalaımyn.
Ilıa JAQANOV,
Qazaqstannyń Eńbek Eri
Atyraý oblysy