Saılaý – eldi jańǵyrtý jolyndaǵy bastamalardyń biri. Al saılanýshylar zııaly tulǵa, bilikti zańger, bilimdi azamat bolýǵa tıis. Saılaý naýqanynda daýys berýimniń maqsaty – Májiliske jáne jergilikti máslıhattarǵa halyqqa jany ashıtyn bilimdi tulǵalardy tańdaý.
Elimizdi jańartý, Ádiletti Qazaqstan qurý, ádil qoǵam ornatý – ońaı sharýa emes. Onyń bir basy árıne, zańdarǵa kelip tireledi. Sondyqtan Parlamentte otyratyn erteńgi zań qabyldaýshy tulǵalar jan-jaqty bilimdi, zııaly jáne eline, jerine, halqyna jany ashıtyn adam bolýy kerek. Biz saılaýda Parlamentke dál osyndaı tulǵalardy, eldiń muń-muqtajyn kóre biletin, aıta biletin jáne zań júzinde iske asyra alatyn adamdardy tańdaý úshin óz daýsymyzdy berdik. Saılaý ýchaskesine kelgendegi oıym osyndaı boldy.
Ulyqbek ESDÁÝLET,
Jazýshylar odaǵynyń tóraǵasy