Bul saılaý burynǵydan ózgerek. Sebebi barlyq partııaǵa, barlyq kandıdatqa teń múmkindik berilgen. Jasyratyny joq, buryn Prezıdent partııa tóraǵasy bolǵan ýaqytta sol partııanyń basymdyǵy kórinip turatyn.
Qazir Memleket basshysy, barlyq deńgeıdegi ákimder mundaı ókilettikten bosatylǵandyqtan barlyq partııanyń múmkindikteri birdeı degim keledi. Partııalar ǵana emes, birmandatty okrýg boıynsha shyǵyp jatqan úmitkerlerdiń arasynda da báseke joǵary. Úmitkerlerdiń baǵdarlamalary, oılaryn ashyq bildirýi, oǵan qoǵamnyń pikir bildirýi saıası kommýnıkasııanyń qalyptasqanyn bildiredi.
Bir ańǵarǵanym, daýys berýge aǵylǵan halyqtyń belsendiligi joǵary. Bul – azamattyq qoǵamnyń kórinisi. Saılaýshylar otbasylarymen birge kelip daýys berip jatyr. Saılaýshylardyń da quqyqtyq jaýapkershiligi joǵarylaǵan. Eger ózderi senip daýys bergen kandıdat úmitti aqtamasa, saılaýshylar qol jınaý arqyly depýtatty keri qaıtaryp ala alady. Bul da saıası jańalyqtyń, ózgeristerdiń belgisi. 2019 jyldan beri júrip jatqan reformalar qoǵamda quqyqtyq jaýaptylyqty arttyrǵanyn, jaýapkershiliktiń jetilgenin bildiredi.
Qýanysh AITAHANOV,
memleket jáne qoǵam qaıratkeri