Búginde elimizdiń kásipkerler palatalarynyń alańdarynda kóterilip jatqan kóptegen másele Memleket basshysy Qasym-Jomart Toqaevtyń VIII saılanǵan Parlament Májilisiniń birinshi sessııasynyń otyrysynda sóılegen sózinde, uzaqmerzimdi strategııalarynda erekshe kórinis tapty.
Bizdiń oblystyń bıznes ókilderi shaǵyn jáne orta bıznesti qoldaý strategııasy uzaqmerzimdi bolýy tıistigin qup alady. Sebebi ol turaqtylyq faktoryna yqpal etip, kásipkerlerdiń damý perspektıvalaryn naqtylaı tústi. Bul óz kezeginde jekelegen óńirdiń de, tutastaı alǵanda eldiń de ınvestısııalyq áleýetine áser etedi. Kóppartııalyq jáne búkil saıası júıeniń jańarýy zańnamalyq úderiske sapaly áser etýi kerek. Investısııalar men salyq bıznes úshin de mańyzdy.
Prezıdent salyq saıasatynyń jańa modeli ekonomıkalyq belsendiliktiń joǵary deńgeıin qamtamasyz etýge tıis ekenin atady. Investısııalarǵa keletin bolsaq, bul – ekonomıkanyń taǵy bir quramdas bóligi. Memleket basshysynyń sózinde bızneske erekshe nazar aýdarylýy kezdeısoq emes, óıtkeni biz saıası bastamalardyń kez kelgen memleket úshin basty baǵyt – kásipkerlikti qoldaýǵa qalaı oń áser etetinin kórip otyrmyz.
Memleket basshysy eldiń damýyna úles qosatyn kásipkerlerdiń «jańa tolqynyn» qalyptastyrý qajettigine nazar aýdardy. Bıyl jastar men aýyl turǵyndaryna nesıe berý úshin oblysymyzdyń 2,5 paıyzyna 4,3 mlrd teńge bólindi. Bul zor qoldaý jáne óz isin bastaǵysy keletinder úshin jaqsy múmkindik. Qazir halyq bıznespen aınalysýǵa jan-jaqty qoldaý bar ekenin jaqsy túsinedi. Ras, ákimshilik kedergiler de kezdesedi. Mundaı jaǵdaılarda palata kásipkerdi qorǵaýǵa, oǵan kómek kórsetýge daıyn.
Ernar KÚLPEIISOV,
Qaraǵandy oblysy kásipkerler palatasynyń dırektory