Sapaly emdeý sharasy – syrqat daýasy

Elbasynyń bastamasymen ómirge kelgen «Salamatty Qa­zaqstan» baǵdarlamasy den­saýlyq saqtaý salasynyń uzaq merzimge arnalǵan tıimdi sharalaryn belgilegen tuǵyrnama bolyp tabylady. «Salamatty Qazaqstan» baǵdarlamasynda el turǵyndarynyń densaýlyǵyn nyǵaıtýǵa yntymaqtastyq jaýap­kershiligi júktelgen. Elordanyń densaýlyq saqtaý salasynda óziniń salmaqty ornyn alatyn №2 qalalyq aýrýhananyń ujymy osy bastamalardyń baıandy bolýyna barynsha basymdyq berip keledi. Sońǵy úsh jyl kóle­minde biz aýrýhana aıasyndaǵy  emdeý sharalaryn ońtaılandyrý maqsatynda aýqymdy jumys jasadyq. Astana qalasynyń tur­ǵyndary kúnnen-kúnge artyp kele jatqandyǵy bar­shaǵa málim. Osyǵan baılanys­ty qala­lyq densaýlyq saqtaý salasy mekemelerine júkteletin jaýap­­kershilik júgi de asa zor. Bir ǵana mysal, 2013 jyly №2 qalalyq aýrýhanada 14 525 adam stasıonarlyq em qabyldasa, 2014 jyldyń ótken úsh-tórt aıynda aýrýhananyń qabyldaý bólimi arqyly 15 myń adam tirkelip  emdeý sharalaryn qabyldaǵan. Biz Densaýlyq saqtaý mı­nıstrligi tarapynan qolǵa alyn­ǵan reformalardyń tıimdiligin art­tyrýǵa kúsh salamyz. Bul rette, klı­nıkalyq shyǵyndy azaıtý toby, syrqattarǵa qanshalyqty medısınalyq qyzmet kórsetse, sonshalyqty qarjylandyrý júıelerin qoldanamyz. Medı­sınalyq qyzmetti arttyrý jolynda qarjylandyrý júıesi emdeý sharalarynyń tıimdiligine tikeleı qatysty jolmen is-jú­zine asyrylady. Aýrýhanada menedjmenttiń jańa júıeleri – ishki múmkindikterdi tıimdi bas­qarý, qarjy únemdeý, basqarý júıelerin jetildirý arqyly tıimdilikke qol jetkizý tásilderi qoldanysqa en­gizilýde. Ústimizdegi jyldyń basynan bizdiń aýrýhanada eńbekaqy tóleý júıesin ártaraptandyrý tásili óndiriske engizildi. Iаǵnı, kim qan­sha ota jasaıdy, klınıkalyq bólimderde syrqattarǵa medı­sınalyq qyzmet kórsetý sapasy qanshalyqty joǵary, emdeý sharalarynyń tıimdiligi qandaı deńgeıde, syrqattar tarapynan túsken aryz-shaǵymdar men alǵys-hattardyń ara salmaǵy qandaı? Mine, osy kórsetkishter arqyly árbir klınıkalyq bólim­niń jumysyna baǵa beriledi. Qazir №2 qalalyq aýrýhanada 15 klınıkalyq bólimshe jumys isteıdi. Qalalyq densaýlyq saq­taý salasynyń suranysyna baılanysty sońǵy kezeńde aýrýhanamyzda jaq jáne bet álpeti hırýrgııasy, travmotologııa bólim­sheleri ashyldy. Bizdiń aýrý­hana kesheninde negizinen medısınanyń eń kúrdeli de jaý­apty salasy – medısınalyq hırýrgııaǵa basymdyq berilgen. Medısınanyń eń kúrdeli bul salasynda aýrýhana úlken jetis­tikterge jetip otyr. Máselen, tek ótken jyldyń ózinde ǵana biz­diń aýrýhanamyzda 11464 kúr­deli ota jasaldy. Aýrýhanaǵa qabyldanatyndardyń 80 paıyzy shuǵyl medısınalyq kómekke zárý bolǵan syrqattar bolyp tabylady. Búgingideı jahandyq báse­kelestik beleń alǵan kezeńde den­saýlyq saqtaý mekemeleri de ýaqyt talabynan syrt qalmaýy kerek. Osyǵan baılanysty biz aýrýhanada zamanaýı ınnovasııalar men jańa tehnologııa­lardy qoldanýǵa birinshi kezekte kúsh salamyz. Birqatar shet­eldik klınıkalarmen tyǵyz yntymaqtastyq qarym-qa­tynas ornatyp, ózara tájirıbe almasamyz. Germanııanyń tanymal da, bilikti kardıohırýrgtarynyń №2 qalalyq aýrýhanada she­berlik-synyptaryn ótkizý dás­túrge aınalǵan. Naq osyndaı ınno­vasııalyq izdenisterdiń nátı­jesinde biz ózimizdiń aýrýhanadaǵy kardıohırýrgııalyq bólimde ju­mys istep turǵan júrekke ota jasaý, ıaǵnı júrekti jasandy apparatqa qospaı-aq ota jasaý tásilin engizdik. Bul aýrýdyń asqynýyna tosqaýyl qoıyp, syrqat adamnyń reanımasııa bóliminde jatatyn merzimin qys­qartýǵa jol beredi. Sonymen birge, aýrýhanadaǵy ýrologııa, tarakaldi hırýrgııa, qulaq, tamaq jáne muryn aýrýlaryn emdeý bólimderi jańa tehnologııalardy keńinen qoldaný barysynda jaqsy jetistikterge qol jetkizýde. О́mirdiń qaı salasy bolmasyn, bilikti mamanǵa júkteletin jaýapkershilik júgi jeńil emes. Bul máseleniń ásirese, densaýlyq saqtaý salasynda salmaǵy erekshe artatyny da aqıqat. О́ıtkeni, medısınada biliksiz maman qate­liginiń orny eshqashan tolmaıdy. Osy ómirlik qaǵıdany basshylyqqa alyp, biz aýrýhana kesheniniń bilikti mamandarmen qamtamasyz etilýin erekshe úlken jaýapkershilikpen júzege asyryp kelemiz. Bul rette joǵaryda atalǵan ýrologııa bólimin basqa­ratyn, bas dárigerdiń hırýrgııa salasy boıynsha orynba­sary Tımýr Muratovtyń, tarakaldi hı­rýrgııa bóliminiń jetekshisi Qaırat Járkeevtiń, lor bóliminiń jetekshisi Ermek Imanǵalıevtiń jańashyldyqqa negizdelgen izdenisti eńbekterin erekshe atap ótken jón. №2 aýrýhanada qazirgi tańda 155 joǵary bilimdi dárigerler 300-den astam orta býyn medısına qyzmetkerleri eńbek etedi. Biz olardyń kásibı sheberligin shyńdap, astanalyqtardyń den­saýlyǵyn qorǵaý jolyndaǵy qaltqysyz qyzmetteriniń sapaly bolýy úshin qoldan kelgenniń bárin jasaımyz. Osyndaı tyńǵylyqty tár­tippen jan-jaqty oılastyrylyp jasalǵan sharalardyń arqasynda qazir bizdiń №2 qalalyq aýrýhana tek qana shıpaly emdeý sharalaryn atqaryp qoımaıdy, sonymen birge, elimizdiń densaýlyq saqtaý salasynyń negizine aınalatyn ınnovasııalyq tehnologııalardy engizetin ǵylymı sheberlik ortalyqqa aınalýda. Osy oraıda, qala ákimi Iman­ǵalı Tasmaǵambetovtiń, Den­saýlyq saqtaý mınıstri Salıdat Qaıyrbekovanyń tarapynan bizdiń aýrýhanamyzǵa kórsetip otyrǵan shyn mánindegi nátıjeli kómekterine shynaıy alǵysymyzdy bildiremiz. Maqsat JANTURǴANOV, №2 qalalyq aýrýhananyń bas dárigeri, medısına ǵylymdarynyń kandıdaty.