...Jasy búginde seksenniń úsheýinen asqan Qalıǵumar aǵa Qabdeshev jarty ǵasyrdan astam ýaqyt boıy fotosýretshilikpen shuǵyldanǵan jan. Qazaq jerinde aıaǵy tımegen jeri az deýge de bolady. Áıteýir, osy salada kásibı maman turǵysynda eren eńbek etip, eliniń abyroıyn arttyrǵan ardaqty azamattardy ǵana emes, qarapaıym jumyskerlerdi de qyraǵy obektıvine aldy. Tańǵajaıyp tabıǵat kórinisteriniń bederli beınesin jasady. Ol kisiniń qazaq óneriniń maıtalmandary týraly sýretteriniń, tipti jóni bólek. ...Jasy búginde seksenniń úsheýinen asqan Qalıǵumar aǵa Qabdeshev jarty ǵasyrdan astam ýaqyt boıy fotosýretshilikpen shuǵyldanǵan jan. Qazaq jerinde aıaǵy tımegen jeri az deýge de bolady. Áıteýir, osy salada kásibı maman turǵysynda eren eńbek etip, eliniń abyroıyn arttyrǵan ardaqty azamattardy ǵana emes, qarapaıym jumyskerlerdi de qyraǵy obektıvine aldy. Tańǵajaıyp tabıǵat kórinisteriniń bederli beınesin jasady. Ol kisiniń qazaq óneriniń maıtalmandary týraly sýretteriniń, tipti jóni bólek.
Osydan biraz buryn (27.01.21 j) «Egemen Qazaqstanda» biz jibergen «Máskeý festıvaline barǵanda...» degen fotosýretti shyǵarǵan edińizder. Endi bul taqyrypqa qaıta oralyp, taǵy bireýin «joldap» otyrmyz.
– Sonaý 1985 jyly keshegi Sovet ókimetiniń astanasy Máskeý qalasynda jastar men stýdentterdiń XII festıvali ótti, – deıdi Qalıǵumar aǵa. – Osynaý úlken, asa aýqymdy bas qosýǵa men de fototilshi retinde (árıne, tıisti oryndardyń joldamasymen) qatysqan edim. Myna sýretti sonda túsirgen edim. Munda festıvalge jiberilgen qazaq jastary delegasııasy bir tobynyń Kreml aldyndaǵy qyzyl alańdaǵy sherýinen kórinis bergen. Ortadaǵy dombyra tartyp kele jatqan ulttyq úlgidegi baskıimdi, aq kostıým-shalbarly jigit – qazaqtyń keremet ánshi, kompozıtor, óner zertteýshisi, marqum, qaıran Jánibek Kármenov.
Iá, sol kezde ultymyzdyń jalyn júrek jas qyz-jigitteri alyp ımperııanyń bas qalasynyń basty alańyn osylaısha tamasha án-dýmanǵa bólep edi-aý!
Berikbaı QADYQOV,
jýrnalıst
Almaty oblysy,
Qarasaı aýdany