Álemdik deńgeıge umtylǵan abzal

Demek, ulttyq zertteý ýnı­ver­­sı­tetterine qoıy­la­tyn basty­ ta­lap – ǵylymı zert­teýlerdi álem­dik deńgeıde iske asyrý. Ol úshin jahandyq deń­geıdegi bilik­tiligi joǵary kadr­lardy daıar­laý­dy qamtamasyz etý qajet. Bul eki baǵyt bir-birimen baıla­nysty. Qazirgi tańda zertteý ýnı­versıtetine ǵylymdy jáne ǵylym men ınnovasııalyq qyz­met­­tiń jańa baǵyttaryn damytý úshin kadrlar daıarlaý máselesi óte­ ma­ńyzdy. Ol úshin ne isteý kerek?

Birinshi. Zertteý ýnıversıteti jetekshi ǵylymı mektepter ne­gi­zinde ýnıversıtettegi ınte­gra­­sııalanǵan oqý-ǵylymı jáne oqý-ǵylymı-ınnovasııalyq ke­shen­­derdiń jıyntyǵy bolýy tıis. Bul rette oqý-ǵylymı ke­shen­­der osy negizde irgeli ǵy­lymı zertteýlerdi jáne joǵary bilikti kadrlaryn daıar­laýdy qamtamasyz etedi. Al oqý-ǵy­lymı-ınnovasııalyq ke­shen­der­de ınnovasııalyq-teh­nolo­gııa­­lyq qyzmetke jáne joǵary teh­nologııalyq ázirlemelerdi kadr­lyq súıemel­deý­di qamta­ma­syz­ etýge kóbirek kóńil bólinýge tıis.

Ekinshi. Ulttyq zertteý ýnı­ver­­sıtetterine qoıylatyn bas­ty­ talap – ǵylymı zertteýlerdi álem­dik deńgeıde júzege asyrý.­ Ol úshin zertteýdiń basym baǵyt­­taryn naqty aıqyndap, ýnı­ver­sıtette barlyq fakýltet­te jáne ǵylymı zertteý ınstıtý­tyn­da­ damıtyn jobalarǵa arnaıy qara­jat bólinýine qol jetkizý qajet.

Úshinshi. Ýnıversıtette ǵy­lym­­­­dy uzaq merzimdi damytý úshin­ ǵylymı-tehnologııalyq damý­dyń basym baǵyttary boıyn­sha jobalardy iske asyr­ǵan­ jón. Arnaıy baǵdarlama qabyl­­­daý da artyq etpeıdi.

Tórtinshi. Qazirgi zamanǵy ınno­­vasııalyq zertteýler bir­ne­she ǵylymı pánderdiń toǵys­qan­ jerinde kóbirek oryn alyp ja­tyr. Sondyqtan kadr­lardy da­ıyndaýǵa basqa pán­der­diń maman­daryn da tartý qajet dep esep­teımin.

Rahmetqajy BERSIMBAI, 

Kletkaly bıologııa jáne bıotehnologııa ǵylymı-zertteý ınstıtýtynyń dırektory, akademık