ASTANA. 4 shilde. Prezıdent Nursultan Nazarbaev Astana kúnin merekeleýdiń bastalǵanyn bildiretin Memlekettik týdy kóterý rásimine qatysty. Bul týraly «QazAqparat» habarlady.
Elordadaǵy «Atameken» etno-memorıaldy kesheninde ótken jıynda Memleket basshysy: «Táýelsizdigimizdiń tiregi, elimizdiń júregi Astanamyzǵa bıyl 16 jyl tolady. Osyndaı tarıhtaǵy qas qaǵym ýaqytta zor tabystarǵa jettik. Bolashaqty baǵdarlap, Esildiń boıynda el qondyrǵan eńbegimiz aqtaldy. Astana tatýlyq pen turaqtylyqtyń qutty ordasyna aınaldy. Qazir elorda Eýrazııa keńistigindegi ıntegrasııalyq úrdistiń besigi bolyp otyr. Bul el tarıhyna, Astana jylnamasyna jazylatyn óte belgili oqıǵa. Elorda merekesi qarsańynda memlekettik týymyzdy kóterý rásimi – biz úshin osyndaı jetistiktiń biri», – dedi.
Sondaı-aq, Prezıdent Astana kúni qarsańynda memlekettik týymyzdy kóterý dástúrge aınalǵandyǵyn aıta kele: «Kókte jelbiregen kók baıraǵymyz mereıimizdi asyryp, rýhymyzdy bıiktetetin kıeli rámizimiz bolyp sanalady. Al Qazaqstandy kemel keleshekke bastaǵan Astana – bizdiń qasterli boıtumarymyz. Ár ýaqytta baıraq, tý eldiń qolyna ustaıtyn, qarýly kúshterdiń panalaıtyn, baǵalaıtyn eldiktiń rámizi bolyp sanalady», – dedi.
Joldybaı Bazar.
Derekkóz: «QazAqparat».
Foto: alashainasy.kz.