Byltyrdan bastap oblys ortalyǵy mártebesine ıe bolǵan Qonaev qalasynyń áleýmettik-ekonomıkalyq damýy men sáýlettendirilýi boıynsha qarqyndy jumystar júrgizilip jatyr. Bul maqsatqa ınvestorlar tartý máselesi de mańyzdy rólge ıe.
Sonyń biri – «CPG International» kompanııasynyń ókilderimen kezdesken Almaty oblysynyń ákimi Marat Sultanǵazıev sáýlet-qurylys jobalaý sondaı-aq, bilim berý jáne densaýlyq saqtaý salasyndaǵy jobalardy iske asyrý jáne yntymaqtastyqty arttyrý maqsatynda memorandýmǵa qol qoıdy.
О́ńirge alǵash ret kelip otyrǵan sıngapýrlyq kompanııa ókilderimen júzdesken Marat Eleýsizuly qalanyń 53 jyldyq tarıhy baryn aıtyp, endigi kezekte jańa shahardyń qurylysyna den qoıatyndyqtaryn jetkizdi.
– 1970 jyly salynǵan qalanyń ınfraqurylymdyq áleýetin jaqsartý qajet. Búgingi tańda oblys ortalyǵynyń damý jospary jasaqtaldy. Bizde eń basty eki joba bar. Olar: G4 City men Qonaev qalasy, – dedi oblys ákimi.
Sonymen qatar, óńir basshysy keleli kezdesýdiń ótýine ótken aıda aımaq atynan Sıngapýrǵa sapar shekken delegasııa jumysynyń qorytyndysy muryndyq bolǵanyn ashyp aıtty.
Al Qazaqstanǵa tuńǵysh ret kelip turǵan sıngapýrlyqtar oblysta atqarylar talaı is bar ekenin baǵamdap úlgergendikterin, aldaǵy 25 jylda oıǵa alǵan josparlardy oryndaýda óz taraptarynan qandaı úles qosýǵa múmkindikter baryn tizbektep shyqqandyǵyn tilge tıek etti.
– «CPG International» – Azııadaǵy eń iri ınjenerlik kompanııalardyń biri. AQSh, Ulybrıtanııa, Qytaı, Úndistan jáne taǵy basqa memleketterdi qosa alǵanda, álemniń 20-dan astam elinde fılıaldary bar. Kompanııa áýejaılar, kópirler, temirjoldar, týnnelder, saýda ortalyqtary sııaqty azamattyq jáne ónerkásiptik nysandardy jobalaýǵa jáne salýǵa mamandanǵan. Mysalǵa alatyn bolsaq, halyqaralyq Vetnamdaǵy «Danang» áýejaıy, «Tan Tok Seng» aýrýhanasy jáne Sıngapýrdaǵy «Changı» áýejaıy bizdiń yqpalymyzben boı kótergen, – dedi kompanııanyń bas atqarýshy dırektory Vınsent Lo.
Almaty oblysyna at izin salǵan «CPG International» kadrlardy daıarlaýmen jáne damytýmen aınalysady jáne búkil álem boıynsha birneshe ýnıversıtet pen ǵylymı ınstıtýttyń seriktesi bolyp tabylady.
О́z kezeginde Marat Eleýsizuly oblystyń aıshyqty áleýetine toqtala kele:
– Oblys agrarly aımaq bolyp tabylady. Alaıda Almaty syndy alyp qala men jaqyn sheteldermen shekaralas ornalasqandyqtan logıstıka, taýar aınalymyn damytýǵa qolaıly jer. Sondaı-aq qandaı da bir qurylys júrgizý úshin de jer jetkilikti. Máselen, bir ǵana G4 City qurylysyna 111 myń ga jer bólingen edi. Sol sebepti bizdiń aımaqta túrli utymdy jobalardy júzege asyrýǵa múmkindik kóp, – dedi.
Qos tarap ózara pikir almasqan soń, aldaǵy ozyq jobalardy iske asyrmaqqa yntymaqtastyq týraly memorandýmǵa qol qoıdy.
Delegasııa ókilderin qabyldady
Osy kúni Almaty oblysynyń ortalyǵy Qonaev qalasyna Nıderland Koroldiginiń delegasııasy jumys saparymen keldi, dep habarlaıdy óńirlik baspasóz qyzmeti.
Oblystyń aýyl sharýashylyǵy salasyndaǵy áleýetimen tanysyp, taıaý bolashaqta eki jaqty yntymaqtastyqta jumys isteýdi kózdep kelgen Nıderlandy Koroldiginiń ókilderi aldymen oblys ortalyǵynyń bas josparymen tanysty.
– Almaty oblysynyń jer kólemi 105 myń sharshy metr, al turǵyn sany 1,5 mln adamdy quraıdy. Bizdiń ólke agrarly aımaq, munda 30 myń aýyl sharýashylyǵy qojalyǵy bar, – dedi oblys ákimi M.Sultanǵazıev.
Oblys ákiminiń sózine súıensek, aýyl sharýashylyǵy jeriniń kólemi 4,1 mln gektardy alyp jatyr, onyń ishinde 466 myń gektary egistikke arnalsa, 3,5 mln ga jaıylym jer.
Osy kúni oblysta 74 jylyjaı kesheni istep tur. Onyń 22-si óndiriske baǵyttalǵan. Sondaı-aq aımaq kartop ósirý boıynsha respýblıkada ekinshi oryndy alady. Al el boıynsha qus eti óndirisiniń 30 paıyzy – oblys enshisinde.
Sondaı-aq aımaq basshysy 55 taýarly-sút fermasy jumys istep turǵanyn, jylyna 625 myń tonna sút óndiriletinin jáne qurǵaq túıe súti eksportqa shyǵarylatynyn da tilge tıek etti.
– Bizde ótken jyly 47 tonna qurǵaq túıe súti QHR-ǵa eksporttaldy. Aldaǵy ýaqytta bul kórsetkishti 95 tonnaǵa deıin jetkizý kózdelgen, – dedi Marat Eleýsizuly.
О́z kezeginde Ýestland mýnısıpalıtetiniń meri Baýke Arends oblystyń damý jospary erekshe unaǵanyn jasyrmady.
– Sizderdiń aımaqqa alǵash ret kelip turmyz. Eldiń qonaqjaılylyǵy bizdi tánti etti. Jańa ǵana tanystyrǵan óńirdiń damý jospary da tańdaı qaqtyrdy. О́ıtkeni qala salý myń jylda bir ret bolatyn jaıt, – degen Baýke Arends ózderiniń ozyq tájirıbelerimen bólisýge jáne aýyl sharýashylyǵy salasynda birlese jumys jasaýǵa ázir ekenderin atap aıtty. Kezdesýden keıin qonaqtar oblys aýmaǵynda ornalasqan jylyjaı keshenine jáne «Fruit Art» zaýyty men «Baıserke-Agro» AО́K-ne baryp, tynys-tirshiligimen tanysty.
Almaty oblysy