Ázerbaıjan Respýblıkasynyń Prezıdenti Ilham Álıevtiń Astanaǵa resmı is-sapary qart Kaspııdi boılaǵan eki baýyrlas eldiń qarym-qatynasyn odan ári nyǵaıtyp qana qoımaı, jalpy túrki ıntegrasııasynyń úderisin damytady.
Qazaqstan men Ázerbaıjannyń halyqaralyq jáne aımaqtyq saıasatta, geoekonomıkadaǵy ózekti máselelerdegi ustanymdary uqsas. Sondyqtan ekijaqty formatta da, ártúrli kópjaqty qurylymdar (TMU, AО́SShK, ShYU) aıasynda da ózara jemisti áreketter jasaıdy.
Aımaqtaǵy turaqtylyq pen qaýipsizdikti nyǵaıtý – bizdiń ortaq basymdyǵymyz. Aıta ketý kerek, sarapshylar búginde Ázerbaıjan men Ortalyq Azııany birtutas makroóńir retinde qarastyrýdy usynyp otyr.
Instıtýsıonaldyq turǵyda Qazaq pen Ázerbaıjan baılanysy birtindep damyp keledi. Byltyr strategııalyq qatynastardy nyǵaıtý jáne odaqtastyq yqpaldasýdy tereńdetý týraly deklarasııaǵa, sondaı-aq yntymaqtastyqty damytýdy kózdeıtin 2026 jylǵa deıingi keshendi baǵdarlamasyna qol qoıyldy.
Bul joly da eki el basshylary birneshe kelissózderge qatysyp, ǵylym, aqparat, bıznesti damytý, mádenı yntymaqtastyq, dıasporalarmen jumys salasyndaǵy yntymaqtastyq máseleleri boıynsha mańyzdy qujattarǵa qol qoıdy. Endi elder arasynda joǵary memleketaralyq keńes qurylmaq.
Ázerbaıjan prezıdenti óziniń is-sapary barysynda eki týysqan eldiń jaqyndasýy gýmanıtarlyq salanyń, saýda-ekonomıkalyq jáne ınvestısııalyq jobalardyń, sondaı-aq kólik jáne logıstıkalyq ınfraqurylym máselelerindegi basymdyǵyn atap ótti.
Túrki akademııasynyń basshysy retinde Ázerbaıjan prezıdentiniń dál osyndaı jan-jaqty yntymaqtastyqtyń qajet ekenin nusqaýy bizdiń akademııa áleminiń ǵylymı ıntegrasııasynyń úılestirý ortalyǵy retindegi ustanymyna tolyq sáıkes keletinin aıtqym keledi.
Baýyrlas elder arasyndaǵy mádenı baılanys kúshimen bastapqyda gýmanıtarlyq saladaǵy yntymaqtastyq tabıǵı qalypty edi, alaıda ýaqyt talabyna saı memleketterdiń tabysty damýy úshin jaratylystaný ǵylymdary, joǵary tehnologııalar, ekonomıkalyq yntymaqtastyqty kúsheıtýdiń mańyzdylyǵy arta tústi.
Ázerbaıjannyń ókili retinde Astanada Ázerbaıjannyń jalpyulttyq kóshbasshysy Geıdar Álıev kóshesiniń saltanatty ashylýyn aıtpasa bolmas. Bul yqylasty Ázerbaıjan halqy tolyq sezindi. Tarıhtaǵy ortaq estelikter memleketterdi ǵana emes, qoǵamdy da ózara jaqyndastyrýdyń taǵy bir tetigi.
Biz bir-birimizge muqtajbyz, túrki elderiniń jaqyndasýy – ýaqyt enshisinde. Kóshbasshylarymyzdyń danalyǵy men halyqtyń qoldaýy eń batyl bastamalardy júzege asyrýǵa múmkindik beredi degen senimdemin.
Shahın MÝSTAFAEV,
Túrki akademııasynyń prezıdenti, akademık