ASTANA. 4 shilde. Keshe túnde bastalǵan fýtboldan Eýropa lıgasy 2014/2015 jyldarǵy maýsymynyń birinshi irikteý matchtarynda Qazaqstannyń úsh komandasy da jeńiske jetti. Bul týraly egemen.kz habarlady.
Komandalardyń ekeýi syrt alańda, Armenııa stadıondarynda oınaǵandaryna qaramastan, osyndaı abyroı bıiginen kórindi. Bul kúni Qaraǵandynyń «Shahteri» Gıýmrıde (burynǵy – Lenınakan) jergilikti «Shırak» komandasyna qarsy shyqty. Osy jerde aıta ketýimiz kerek, bul eki komanda keshegi keńes kezeńinde de el chempıonatyna qatar kúsh synasqan. Qaraǵandylyqtar «A» klasynda oınasa, lenınakandyqtar «B» tobynda óner kórsetti. Arasynda bir-birlerimen ushyrasyp qalǵan kezderi de kezdesti. Atap aıtqanda, 1969 jyly olar «A» klasynyń ekinshi lıgasynda alǵash jáne sońǵy ret toqaılasty. Bizdiń kenshiler aldymen qonaqta ótken oıyndy 0:0 etip teń aıaqtap kelip, óz alańynda 3:0 esebimen oısyrata utty. Endi, mine, arada 45 jyl ótkennen keıin jasaqtar taǵy kezdesip otyr. Bir qyzyǵy, olardyń ekeýi de sol kezdegi ataýlaryn kúni búginge deıin sol qalpynda saqtap keledi.
Armıan jerinde ótken bul jolǵy kezdesýde de qaraǵandylyqtardyń desi basym boldy. Biraq meımandar óz basymdylyqtaryn kópke deıin golǵa aınaldyra almady. Olar 71-mınýtta Andreı Fınonchenkodan pas alǵan Mıhret Topchagıch soqqan goldan keıin ǵana esep ashty. Al 83-mınýtta Sergeı Malyı tabysty eseledi. Armıandar 86-mınýtta Serj Deble kúdikti penaltıden túsirgen bir goldan soń ǵana bir doptyń qarymtasyn qaıtara bildi. Esep – 2:1.
Armenııanyń astanasy – Erevan qalasynda jergilikti «Pıýnıkpen» kezdesken «Astana» ujymy budan da ary ketti. Elorda fýtbolshylary qarsylastaryn 4:1 etip qırata jeńdi. Olar 40-mınýtta Baýyrjan Jolshıevtiń pasynan Tańat Nóserbaev soqqan golmen alǵa shyqsa, 67-mınýtta Baýyrjannyń ózi erledi. Oǵan mundaı múmkindikti Marat Shahmetov jasady. Biraq arada bir mınýt ótkende erevandyq Agvan Papıkıan bir doptyń esesin kemitip úlgerdi. Sodan keıin aalań ústinde qaıtadan astanalyqtar quıyn úıirdi. Sonyń nátıjesinde 71-mınýtta Foksı Ketevoama, al 84-mınýtta Atanas Kýrdov esepti ulǵaıta tústi.
Qazaqstandyqtarǵa sońǵy jeńisti Almatyda Albanııanyń «Kýkesı» komandasyn qabyldaǵan «Qaırat» áperdi. Jeńis ákelgen jalǵyz dopty 89-mınýtta Aslan Darabaev óz esebine jazdy.
Endi qarymta kezdesýler 10 shilde kúni qarsy komandalar alańdarynda ótedi.
Damır Qojamqul.
Derekkóz: vesti.kz.
Foto: vesti.kz.