ASTANA. 5 shilde. Búgin tún ortasy aýa Fortaleza qalasynda Brazılııa jáne Kolýmbııa quramalary shırek fınaldyq oıyn ótkizip, «selesao» 2:1 esebimen basym tústi. Bul týraly egemen.kz habarlady.
Matchta brazılııalyqtan negizinen eńbek sińirip jeńiske jetti. Olar ár taımda bir goldan soǵyp, osy basymdyqtaryn dáleldeı tústi.Fılıpe Lýıs Skolarıdiń shákirtteri ekinshi nómirmen oınaýǵa kóshken joq.
Brazılııa – Kolýmbııa 2:1 (1:0).
5 shilde. Fortaleza. «Kastelan» stadıony. 60 342 kórermen. Tóreshi – Karlos Velasko Karbalo (Ispanııa).
Brazılııa: Jýlıo Sezar, Maıkon, Tıago Sılva, Davıd Lýıs, Marselo, Fernandıno, Paýlıno (Ernanes, 86), Halk (Ramıres, 83), Neımar (Enrıke, 88), Fred.
Kolýmbııa: Davıd Ospına, Hýan Sýnıga, Krıstıan Sapata, Marıo Iepes, Pablo Armero, Hýan Kýadrado (Hýan Kıntero, 81), Fredı Gýarın, Karlos Sanches, Vıktor Ibarbo (Adrıan Ramos, 46), Djeıms Rodrıges, Teofılo Gýterres (Karlos Bakka, 70).
Goldar: Tıago Sılva (7), Davıd Lýıs (69), Djeıms Rodrıges (80, penaltı).
Eskertýler: Tıago Sılva (64), Jýlıo Sezar (78) – Djeıms Rodrıges (68), Marıo Iepes (69).
Alań ıeleri esepti kóp uzamaı ashty. Olar 7-mınýtta-aq alǵa shyqty. Ol buryshtama berilgen kezde salyndy. Áýelep kelgen dopqa Tıago Sılva bárinen buryn jetti. Álemniń bes dúrkin chempıondary budan keıin de qorǵanysqa alańdamady. Olar kolkýmbııalyqtarmen oıynda tek shabýyldyń ǵana tıimdi bolatynyn jaqsy uǵyndy. Sondyqtan qarsylastaryna dopty kóp bere qoımady. Shabýyldy da kóbirek jasady. Gol soǵatyn múmkindikteri de kóp boldy.
Úzilisten keıin eki jaqtyń oıyny teńesti. Kolýmbııa shabýylǵa batyl shyǵa bastady. Pentakampeondardyń joryqtary da qaýipti bola tústi. Taımnyń ortasynda olar osy sholǵyndardyń birin golǵa aınaldyrdy. Ony aıyp dobynan Davıd Lýıs keremet qatty soqqymen túsirdi. Bul brazılııalyqtardyń basymdyǵyn arttyrdy. Kolýmbııanyń shabýyly kóp jumbaq bola qoımady. Bul eldiń komandasy matchtaǵy jalǵyz qarymta dopty penaltıden saldy. Ol qaqpashy Jýlıo Sezardyń shabýylshy Karlos Bakkanyń aıaǵyna umtylyp, qulatqany úshin belgilendi.
Endi jartylaı fınalda Brazılııa Germanııa komandasymen kezdesedi.
Damır Qojamqul.
Derekkóz: egemen.kz.
Foto: Sportbox.ru.