ASTANA. 8 shilde. Dúısenbi, 7 shilde kúni Grýzııanyń eks-prezıdenti jáne KSRO syrtqy ister mınıstrliginiń burynǵy basshysy Edýard Shevardnadze 87 jasqa qaraǵan shaǵynda ómirden ótti. Bul týraly ITAR-TASS habarlady.
Derekkózde kórsetilgendeı, E.Shevardnadze sońǵy aılarda qatty naýqastanǵan.
Ol jergilikti ýaqytpen saǵat 12:00-de Tbılısı qalasyndaǵy óz úıinde qaıtys bolǵan.
E.Shevardnadze 1928 jyly 25 qańtarda Grýzııanyń Lanchhýtsk aýdany Mamatı aýlynda týǵan. Ol 1995-2003 jyldary Grýzııa prezıdenti boldy. Oǵan deıin Grýzın KSR Qoǵamdyq tártipti qorǵaý mınıstri (1965-1968), Grýzın KSR Ishki ister mınıstri (1968-1972), Grýzııa KP Ortalyq komıtetiniń birinshi hatshysy (1972-1985), KSRO Syrtqy ister mınıstri (1985-1990), KSRO Syrtqy baılanystar mınıstri (1991 jyldyń 18 qarashasynan 8 jeltoqsanyna deıin) qyzmetterin atqardy. Sondaı-aq E.Shevardnadze Sosıalıstik Eńbek Eri ataǵynyń ıegeri.
Aıdar О́risbaev.
Derekkóz: Itar-tass.com.
Foto: Pravda.ru.