Almaty oblysyna qarasty, Tekeli qalasynda «Komanda jınap, dobyńdy al» sharasy ótti. Onyń maqsaty – jasóspirimderdi dene tárbıesine tartý, sóıtip, kópshilik arasynda fýtboldy damytý. Bul tek jasóspirimderge ǵana emes, jalpy kópshilikke sport túrlerin nasıhattaý, salaýattylyqqa baýlý jáne jas urpaqty rýhanı-patrıottyq baǵytta tárbıeleý, jastar men jasóspirimder arasynda quqyq buzýshylyqtyń aldyn alý amaly boldy. Atalǵan mańyzdy sharaǵa «Nur Otan» partııasy Almaty oblystyq fılıaly tóraǵasynyń birinshi orynbasary Erǵazy Qoshanbekov, Tekeli qalasynyń ákimi Talǵat Qaınarbekov qatysyp, demeýshilerge jáne jas sportshylarǵa aq tilegin jetkizdi. Aksııa barysynda balalarǵa 120 dop syıǵa berildi. Jasyl alańda 150-ge jýyq jasóspirimnen quralǵan 12 komanda men «Jetisý» komandasynyń jáne Tekeli qalasynyń ardager aıaq dopshylary ózara joldastyq oıynyn kórsetti.
Nurbol ÁLDIBAEV,
«Egemen Qazaqstan».
Almaty oblysy.