Jemqorlyqqa qarsy ulttyq strategııa

Prezıdent N.Nazarbaevtyń «Qazaqstan joly – 2050: bir múdde, bir maqsat, bir bolashaq» atty halyqqa Joldaýynda álemniń 30 damyǵan elderi qataryna enýdiń keńeıtilgen jospary usynyldy. Elbasy memlekettiń jańa saıası baǵytynyń maq­sattary men mindetterine keri áserin tıgizetin sybaılas jem­qorlyqqa qarsy strategııany qalyptastyryp, iske asyrýdy eń mańyzdy mindet retinde qarastyrdy. «Qazaqstan-2050» Strategııasyn iske asyrý aıasynda elimizdegi bolyp jatqan aýqymdy ózgerister jaǵdaıynda sybaılas jemqorlyqqa qarsy ınstıtýttar, tıimdi tetikter men amaldardy jandandyrý qajettiligi aıqyn boldy. Mine, osy jumysty úılestirý úshin Premer-Mı­nıstr K.Másimov basqaratyn ve­dom­stvo­aralyq jumys toby quryldy. Ulttyq sybaılas jemqor­lyqqa qarsy strategııanyń jobasyn ázirleýmen quramyna Pre­zıdent Ákimshiliginiń, ortalyq memlekettik organdardyń, qazaqstandyq jáne halyqaralyq qoǵamdyq uıymdardyń ókilderi, ataqty ǵalymdar men sarapshylar engen saraptamalyq top aınalysady. Qazirgi ýaqytta saraptamalyq top memlekettik organdardyń usynystaryn sybaılas jemqorlyqqa qarsy is-qımyldyń tıimdi strategııa­syn iske asyra alǵan elder tájirıbesi arqyly zerdeleýde. Al sybaılastyqqa qarsy tabysty áreket jemqorlyqtyń aldyn alýǵa beıimdelgen strategııa bolǵanda ǵana dármendi. Sondyqtan, jazalaýdy qatań­datýmen jáne qylmystyq qý­dalaýdy kúsheıtýmen birge, sybaılas jemqorlyqty týdyratyn sebepter men jaǵdaılardy joıýǵa baǵyttalǵan qosymsha sharalar pysyqtalatyn bolady. Osy máseleni sheshýde memleket pen qoǵamnyń kúsh salýyn biriktirýge asa kóńil bólinýde. Ol úshin Qarjy polısııasy agenttiginiń www.finpol.gov.kz resmı saıtynda 5 shildeden 25 shildege deıin «Halyqtyq quqyqshyǵarmashylyq» atty bólim jumys isteıtin bolady. Atalǵan bólimge árbir azamat óziniń usynystaryn kórsete otyryp, habarlama qaldyra alady. Árbir usynys qarastyrylady, olardyń ózektileri jumys tobynyń talqylaýynan keıin Ulttyq sybaılas jemqorlyqqa qarsy strategııasynyń jobasyna engiziledi. Sondyqtan sybaılas jemqorlyqqa qarsy kúreske óz úlesińizdi qosyńyzdar, odan shet qalmańyzdar, dep habarlady Qarjy polısııasynyń baspasóz qyzmeti.