Janarmaıdyń shekti baǵasynyń naqtylanýy beketter tablosyndaǵy qundy bir-aq kúnde ózgertti. Búginde janarmaı markalary qymbattady. Degenmen Qaraǵandy oblysynda janar-jaǵarmaı shekti baǵada.
Energetıka mınıstrliginiń buıryǵyna sáıkes AI-92 jáne AI-93 markaly janarmaıdyń bir lıtri – 205 teńgege deıin, al dızel otyny – 295 teńgege deıin saýdalanýǵa tıis desek, Qaraǵandy oblysyndaǵy janarmaı beketteri osy shekte. Barlyq derlik janarmaı beketterinde kóterilgen baǵa birqalypty.
Máselen, Sinooil janarmaı beketterinde AI-92 lıtri – 205 teńge, AI-95 – 215 teńge. Dál osyndaı baǵa Helios janarmaı quıý stansalarynda. Iаǵnı 205 teńgeden. Atap aıtqanda, AI- 92 – 205 teńge, AI-95 – 215 teńge. Dızel – 295 teńge.
Gazoil janarmaı stansalarynda baǵa ázirge ósken joq. Menedjerlerdiń málimdeýinshe, AI-92-niń lıtri – 181 teńge, AI-95 – 212 teńge. О́zge de usaq janarmaı beketterdegi baǵa da bekitilgen praıs kóleminde.
Al aýyl sharýashylyǵy basqarmasynyń málimetinshe, sharýashylyqtarǵa dızel aqpan aıynda 206 teńgeden jetkizilse, sáýir, mamyr, maýsym aıynda 210 teńgeden tasymaldanbaqshy.
– Kóktemgi egis naýqanyna bólingen dızel sharýalarǵa tasymaldaýshy operator arqyly («Retail Trade Oil» JShS) Pavlodar munaı óńdeý zaýytynan kestege sáıkes jetkizilýde. Búginde aqpan-sáýir aılaryna bólingen 12 myń tonnaǵa qarjy operator tarapynan tolyq tólenip, 6 myń tonnasy tasylyp alyndy. 9 myń 225 tonnany jetkizýge 252 sharýashylyqpen shart jasaldy, deıdi basqarma basshysy Asqar Sanaýbarov.
Jalpy, Qaraǵandy sharýalaryna qajetti dızeldiń tehnologııalyq kartaǵa sáıkes kólemi 20 myń tonnadan asady eken.