Memleket basshysy Nursultan Nazarbaevtyń atyna Máskeý memlekettik konservatorııasy janyndaǵy Ortalyq mýzyka mektebiniń oqýshysy Rýslan Turyntaevtan hat keldi, dep habarlady Prezıdenttiń baspasóz qyzmeti.
9-synyp oqýshysy R.Turyntaev óz hatynda Memleket basshysyna el azamattarynyń turmysyn jaqsartýǵa baǵyttalǵan kúsh-jigeri men adamdarǵa degen qamqorlyǵy úshin alǵysyn jetkizgen.
Hat ıesi Máskeýde ótken P.I.Chaıkovskıı atyndaǵy 8-halyqaralyq jasóspirimder konkýrsynda birinshi oryn alyp, laýreat ataǵyn ıelengenin aıtady.
«Ásemdiktiń shyńyna shyǵý qıyn, biraq siz qazaqstandyqtar baqytty, mándi de sándi ómir súrýi úshin barlyǵyn jasap kelesiz. О́zimniń jetistigimdi Sizdiń týǵan kúnińizge arnaımyn. Bul, sondaı-aq, Qala kúnine de tartýym», delingen hatta.