Eki óńirde IT-hab ashyldy

О́ńirlik habtar óz aımaq­ta­rynda ınnovasııalyq jobalardy ázirleýmen, IT-sala­daǵy kadrlardy oqytý jáne daıarlaýmen aınalysady. Son­daı-aq olar jergilik­ti IT-qaýym­dastyqtardy – star­taptar, ın­ves­torlar, tálimgerler qaýym­dastyǵyn qurady. Oǵan barlyq múd­deli tulǵalar qosy­la alady. Startap jobalardy ázirleý ke­zinde ınkýbasııalyq kezeńde kásip­kerlikke oqytý, ın­ves­tı­sııalardy tartýǵa kómek kór­se­tý, qarjylyq esep jáne PR tur­ǵysynan qoldaý kórsetiledi.

«IT – qazirgi álemdegi eń ále­ýetti jáne qarqyndy da­myp kele jatqan salanyń biri. «Astana Hub»-tyń maqsaty – bıyl búkil el boıynsha aımaqtyq habtar ashý. Bul ıdeıany alǵash qoldaǵan Batys Qazaqstan jáne Qyzylorda ob­lystary. El halqynyń áleýeti zor. Son­dyqtan otandastarymyz elimizdiń nemese álemniń kez kelgen jerinen óz jobalaryn damyta alatyndaı etip jaǵdaı jasaý kerek», deıdi «Astana Hub» basqarýshy dırektory Alına Ábdirahmanova.

«Astana Hub» seriktestigi aıasynda aımaqtyq IT-hab­tar­da «Idea Battle» jáne «Star­tup Talapker» startaptar baı­qaýy ótkiziledi. Sondaı-aq ıdeıa kezeńinde jáne ónim jasaý sa­tysyndaǵy star­tap­tar­ǵa ar­nal­ǵan ınkýbasııalyq baǵ­dar­la­malar, tehnoparktiń bar­lyq bilim berý jáne bıznes baǵdar­la­malary usynylady.

«О́ńirlik habymyz Qor­qyt ata atyndaǵy Qyzyl­orda ýnı­ver­­sıtetiniń bıznes-ınkýbatory men oblystyń aqparat­­­­tyq tehnologııalar ortalyǵynyń ba­zasynda ashyldy. Maqsaty­myz – óz isin ashyp, startap jo­ba­laryn damytqysy keletin, b­i­raq múmkindigi joq jergilik­ti jas­tarǵa qoldaý kórsetý. Ja­qyn arada oblysta «Smart city ­H­ac­kathon», «Pecha Kucha Night», «Innofest Kyzylorda» shara­laryn uıymdastyrýdy jospar­lap otyrmyz», deıdi «Kyzylorda Hub» óki­li Janarys Túbekbaev.

Sonymen qatar aımaqtarda bas­tapqy deńgeıdegi star­tap­­­­shy­larǵa arnalǵan «Startup School» onlaın oqýy, kodty qoldan­baı-aq IT-ónimderdi ázirleý daǵdylaryn damytýǵa arnal­ǵan «No Code» kýr­sy jáne «Star­tup Academy» tehnologııa­lyq ká­sipkerlik baǵ­darlamasy bar. Sondaı-aq ártúrli oflaın jáne onlaın kezdesýler, oqý men tre­nıngter ótkiziledi. Onda tabysty IT-kásipkerler IT, satý, strategııa jáne marketıng týraly aıtyp, tájirıbelerimen bólisedi.

«Biz búginge deıin eki mı­tap ótkizdik. Kezdesýge IT salasyndaǵy myqty spıkerler, son­daı-aq óz startabyn ashqan kásipkerler qatysty. Máselen, «Anthill» startabynyń negizin qalaýshy Nurbolat Amanǵalıev qala menedjmentin uıymdastyrý jáne IT-tehnologııalardy damytý taqyrybyn talqylady. 140 adam qatysqan is-shara óte qyzyqty ótti. Jaqynda «Google Developer Groups» baǵdarlamasy boıynsha sheberlik saǵatyn uıym­dastyramyz», dedi «Jaiq Hub» ókili Omarbek Táshim.

О́ńirlik IT-habtar jetek­shi álemdik kompanııalarda táji­rı­­besi bar jáne Qazaqstannyń ­IT-ındýstrııasyn damytýǵa úles qosýǵa umtylǵan 4 myńnan astam otandyq daryndy mamandy qamtıtyn «Digital Nomads»-pen yntymaqtasa jumys istep jatyr. «Digital Nomads» – otandyq IT-mamandardyń jahandyq qa­ýymdastyǵy. Onyń negizin Sıfr­lyq damý, ınnovasııalar jáne aeroǵarysh ónerkásibi mı­nıstri Baǵdat Mýsın qalaǵan.