«Egemen Qazaqstan» gazeti redaksııasynda ázerbaıjan aqyny, Halyqaralyq «Alash» ádebı syılyǵynyń laýreaty Ákbar Goshalymen kezdesý ótti. Keshke egemendiktermen birge óner janashyry, kásipker Iylmaz Okýklý, rejısser Selım Iýhaı qatysty.
Kezdesý barysynda sóz alǵan «Egemen Qazaqstan» gazeti basqarma tóraǵasynyń birinshi orynbasary Vladımır Kýrıatov qonaqtarǵa qosh keldińizder aıtyp, aıryqsha sálemin joldady. Sonymen birge basqarma tóraǵasynyń orynbasary Ásker Pırıev eki el arasyndaǵy týystyq baılanysqa toqtalyp, qany da, jany da bir el ekenimizdi baıan etti.
Al óz kezeginde «Egemen Qazaqstan» gazeti bas redaktorynyń orynbasary Talǵat Batyrhan:
–Birneshe jyl buryn belgili jazýshy Anar Rzaevtan suhbat alyp, gazetimizge jarııalaǵan bolatynbyz. Sonda Anar myrza «Túrki dúnıesindegi «Manas» pen «Kóruǵlydan» artyq álemde jyr joq» dep aıtqan bolatyn. Shynynda, ortaq qazanymyzda qaınaǵan irgeli týyndylar jeterlik,–dep aqjarma lebizin bildirdi.
Keshte belgili kúıshi Qaırat Aıtbaev Táttimbettiń «Saryjaılaýy» men Súgirdiń «Shalqymasyn» shalqyta oryndady. Sonymen birge áleýmet bóliminiń tilshisi Baqytbek Qadyr Ekber Goshalynyń qazaq tilinde jaryq kórgen «Turannyń bir túp jýsany» atty jyr jınaǵynyń negizinde baıandama jasady. Onda aqyn shyǵarmashylyǵyndaǵy ózekti dúnıelerge toqtalyp, Maǵjan poezııasymen úndestigin erekshe atap ótti. Jıynda aqyn óleńderi oqylyp, jas aqyn Abzal Maqash «Alash marshy» ánin oryndap, kelgen qonaqtardyń rýhyn kóterdi.
Kezdesý sońynda baýyrlas elderdiń ystyq yqylasyndaı, qonaqtar gazet redaksııasyna alǵys bildirip, syı-taralǵysyn usyndy.