Qazir Qazaqstan halqy Assambleıasy da túrli etnostarmen ózara is-árekettestik turǵysynan birqatar reforma jasap, qajetti sheshimderdi qabyldap keledi. Keıbir jaǵdaıda problemalardy kreatıvti formada sheshýdiń reti kelip tur.
Bul neni bildiredi? Prezıdent Qasym-Jomart Toqaev qazirgi kúni kreatıvti ındýstrııaǵa basym kóńil bólý kerektigin aıtqan bolatyn. Qoǵamda túrli problemalar, tosyn jaǵdaılar bolyp jatady. Biz olardy sheshýge atsalysyp qana qoımaı, búkil qoǵam, sonyń ishinde jastar, bárimiz jumylý kerektigin qarapaıym ári tartymdy tilmen halyqqa jetkize bilýimiz kerek.
Buryn Senatta QHA atynan 9 depýtat bar edi, referendým men reformalar nátıjesinde bul san 5 adamǵa deıin qysqardy. Kóp adam nelikten bulaı bolǵany týraly surap jatyr. Meniń aıtatynym, bul Assambleıanyń ustanymy álsirep qaldy degen sóz emes. Biz, eń birinshiden, Senatqa óttik, ıaǵnı kerisinshe úlken mártebege ıe boldyq. Májiliste de QHA atynan saılanǵan 10 depýtat bar. Bir sózben aıtqanda, Assambleıa barlyq maıdanda berik bekinisti ustap otyr jáne elimizdegi birlik pen kelisimdi saqtaýdyń aldyńǵy shebinde tur.
Árıne, qoǵamda qordalanǵan máseleler bar. Assambleıadan saılanǵan 5 depýtat bas qosyp, bul máselelerdi talqylap otyramyz. Keıde óńirlerge shyǵamyz. Aldaǵy shilde aıynda sessııa aıaqtalǵannan keıin de aımaqtarǵa issaparǵa baramyz. Etno birlestikterdiń ujymdarymen kezdesip, olardyń problemalaryn talqyǵa salamyz. Joǵaryda aıtqanymdaı, Senattaǵy jáne Májilistegi QHA músheleri osy baǵyttaǵy jumystardy tize qosyp jalǵastyra bermekpiz.
Gennadıı ShIPOVSKIH,
Senat depýtaty