Memleket basshysy Qasym-Jomart Toqaevtyń tóraǵalyǵymen ótken Qazaqstan halqy Assambleıasynyń «Ádiletti Qazaqstan: birlik, turaqtylyq, damý» atty HHHII sessııasy forýmnyń elimizdegi mańyzdy saıası oqıǵalardyń biri ekenin anyq kórsetti.
Prezıdent Assambleıada sóılegen sózinde memlekettik qurylystyń irgetasy etnosaralyq kelisim men birlikke negizdeletinin ańǵartty. Etnosaralyq qatynas baǵytyndaǵy memlekettik saıasattyń tıimdiligin arttyrý úshin keshendi mindetter qoıyldy.
Memleket basshysy sóziniń negizgi túıini mynandaı tujyrymǵa saıady: jalpyulttyq biregeılikti áleýmettik-saıası, ekonomıkalyq jáne rýhanı qundylyqtardy negizge ala otyryp, tabıǵı ári tarıhı jolmen qalyptastyrý jáne damytý kerek.
Prezıdenttiń aıtýynsha, «Bizdiń barsha halqymyz ózderin úlken jáne birtutas qazaq ultynyń ajyramas bóligi retinde sezinedi», «ondaǵy árbir etnos dostyqty, úılesimdilik pen kelisimdi nyǵaıtýǵa baǵa jetpes úles qosyp otyr». Osy oraıda, Memleket basshysy jalpyulttyq biregeıliktiń nyshandaryn taǵy bir márte atap ótti. Birinshi – azamattyq biregeıligimizdi tanytatyn kók tólqujat. Bul barlyq azamattyń teń jáne memlekettiń qorǵaýynda ekenin kórsetedi. Ekinshisi – Qazaqstannyń táýelsizdigin, onyń ǵasyrlar boıy jalǵasyp kele jatqan memlekettiligin beıneleıtin aspan tústes kók baıraq.
Erlan QARIN,
Memlekettik keńesshi