Naýyrzym qoryǵynda qyzǵaldaqtyń «Qyzyl kitapqa» engen 4 túri ósedi. Bul óńirdegi qosgúldi, jataǵan, shrenk, bıbershteın qyzǵaldaqtary sáýir-mamyr aılarynda Qarameńdi, Áýlıekól, Qaıǵy, Sholaqsaı, Amankeldige deıingi saıyn dalany san túrli boıaýǵa malyp, qubylta qulpyrtyp, jupar ańqytyp jiberedi.
Qoryq mamandarynyń aıtýynsha, ǵumyry qysqa qyr gúli zań kúshimen qorǵaýǵa alynǵan.
– Qyzyl kitapqa engen qyzǵaldaqtardy julýǵa, saqtaýǵa, satýǵa, ári-beri alyp júrýge, joıýǵa tyıym salynǵan. Kóktem gúlin julǵan adamdar Qylmystyq kodekstiń 339-babynyń 1-bólimine sáıkes múlki tárkilenip, laýazymynan aıyrylyp, úsh myń aılyq eseptik kórsetkishke deıin aıyppul tóleıdi nemese sol mólsherde túzeý jumystaryna, ne segiz júz saǵatqa deıingi merzimge qoǵamdyq jumystarǵa jegiledi. Úsh jylǵa deıingi merzimge bas bostandyǵynan aıyrylýy da múmkin. Qoryqqa kelýshilerge tek sýretke túsirýge ruqsat etiledi. Sırek kezdesetin gúlderdi qorǵaý, nasıhattaý maqsatynda biz aýdandyq bilim mekemelerimen birlesip, oqýshylar arasynda «Naýyrzym qyzǵaldaqtary» atty shyǵarmashylyq festıval ótkizip turamyz, – deıdi qoryq qyzmetkerleri.
Munyń syrtynda, Naýyrzym aýdanynda jyl saıyn kóktemde Qyzǵaldaqtar festıvalin ótkizý dástúrge aınalǵan.
Qostanaı oblysy